ASAHAN ang napipintong oil price rollback na ipatutupad ng mga kompanya ng langis sa bansa ngayong linggo.
Ayon sa taya ng oil industry sources, posibleng magbawas ng 50 hanggang 65 sentimos ang presyo ng kada litro ng gasolina at diesel.
Ang nagbabadyang bawas-presyo sa petrolyo ay bunsod nang pagbaba ng presyo ng langis sa pandaigdigang pamilihan.
Noong Hunyo 14, nagtaas ang mga kompanya ng langis ng 35 sentimos sa presyo ng diesel at 20 sentimos sa kerosene kasabay ng 10 sentimos na bawas sa presyo ng gasolina.
Sa datos ng Department of Energy (DoE), ang presyo ng diesel ay mabibili sa P25.05 hanggang P28.65 kada litro habang P36.50 hanggang P44.10 ang gasolina sa mga gasolinahan sa Metro Manila.
