KEANNA Reeks…. Of so much inis sa isang Prince Estefan na nauna pa raw naghain ng reklamo over the radio samantalang kung tutuusin si Keanna Reeves ang dapat na hingan nito ng paumanhin sa hindi pag-aasikaso sa kanya nang magtungo sila sa Korea kamakailan para mag-show.
Hindi naman daw ugali ni Keana ang magpaka-diva o maging demanding. Hindi lang daw niya nagustuhan ang verbal abuse na inabot niya rito sa pagkatao niya. Kaya kinuha muna niya ang sasabihin ng kanyang abogado bago siya tuluyang nagsalita. At tinuldukan na ito m0i Keana by saying na walang pag-aayos na magaganap sa kanila ng kanyang inirereklamo!
Wala raw karapatan itong si Prince na uriin siya sa anumang paraan!
Tungkol naman sa muling pagbuhay sa mga pangalan ng mga lalaking nagkaroon ng kaugnayan sa kanya na isa-isa niyang nailarawan, natatawa na nga lang daw siya kasi matagal ng tapos at napag-usapan naman ‘yun.
Sa iisa lang siya nagpapasalamat. Kay Joseph Bitangcol na binalewala lang ito at biniro pa ang sobra raw niya kasing pagiging totoo.
Sa ngayon ayaw na nga raw muna niyang mag-love life. Pagod na raw siya sa pagsuporta lalo na sa mga bata. Na sa kalaunan naman eh, nangangawala rin. Kaya ang nais niya eh, makabalik sa pag-arte!
( PILAR MATEO )
