This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ARESTADO ang dalawang Taiwanese national sa ikinasang anti-drug operation nang pinagsanib na puwersa ng Philippine Drug Enforcement Agency (PDEA) at Philippine National Police (PNP) sa Parañaque City kahapon.
Kinilala ang mga naarestong Taiwanese na sina Chen Sheng-Ming, 33, at Hwang Zhong-Kee, 25.
Ayon sa pulisya, nakatanggap sila ng intelligence report kaugnay sa ilegal na gawain ng dalawa na sinasabing pawang miyembro ng isang malaking drug syndicate.
Kahapon pasado 12 p.m. ikinasa ang anti-illegal drug operation sa Macapagal Avenue, Brgy. Dongalo, Parañaque City.
Nahuli ang dalawang suspek at nakuha sa kanila ang mataas na kalidad ng shabu sa 13 pakete na nakalagay sa backpack, at 26 packs na nakalagay sa luggage, tinatayang nagkakahalaga ng P195 milyon.
Ayon sa intelligence report, nagkabayaran ng droga sa Bangkok, Thailand at dadalhin sana ito sa Cavite.
