SAAN ba naman galing ang balitang idedemanda si Nora Aunor dahil hindi niya tinapos ang pelikulang Kabisera?
Paano mangyayari ‘yon gayung handa nang mag-shooting si Guy para matuloy ang natigil na movie na idinidirehe ni Boy San Agustin.
Matagal ngang naghintay noon si Guy matuloy ang shooting pero may inaasikaso pa ang producer. Kinukunan ang shooting nila sa isang lumang mansion sa Bustos, Bulacan.
Naging abala rin si Guy sa pag-aasikaso sa bunsong kapatid na may karamdaman, si Buboy Villamayor.
Mabuti nga may mga raket si Guy kahit paano dagdag sa panggastos kay Buboy.
SHOWBIG – Vir Gonzales
