Tuesday , April 23 2024

Ria Atayde, natupad ang dream na maitampok sa Maalaala Mo Kaya

00 Alam mo na NonieDREAM come true para kay Ria Ataydeang maging tampok sa Maalaala Mo Kaya ni Ms. Charo Santos Concio. Iba kasi kapag naging bahagi ka ng seryeng ito ng Kapamilya Network.

“Opo, definitely a dream come true and I’ll remain forever grateful for this opportunity in my career. I’m overwhelmed and nervous, hahaha!” saad ni Ria

Nabanggit din ng magandang anak ni Ms. Sylvia Sanchez na challenge para sa kanya ang paglabas sa MMK. “Challenge po siya in the sense na, medyo nakaka-pressure po talaga na mag-MMK. Iba po pala talaga mag-MMK. Grabe Lang iyong pakiramdam,” wika pa niya nang makapanayam namin siya thru Facebook.

Makakasama ni Ria sa episode ng MMK na mapapanood na this Saturday (May 28) sina Matt Evans at Joseph Marco. “Gagampanan ko po rito si Fe, ang babaeng mamahalin ng magkapatid na sina Samson (Matt) at Jeremiah (Joseph).

“Kasama rin po namin dito sina Tita Daria Ramirez, Tita Maureen Mauricio, Tita Tanya Gomez, Tito Alan Paule, at Ate Denise Joaquin.”

First time ni Ria na mag-guest sa MMK at masaya raw siya na karamihan sa nakatrabaho niya rito’y mga dati na niyang nakasama o kakilala.

“Masaya po ako lalo na po kasi, halos lahat ng kasama ko sa cast, kakilala ko na po. Pati iyong AD po namin, si Ate Maki de Vera, nakasama ko po nang nag-OJT ako sa Star Cinema noong college.”

Nagpasalamat din si Ria sa kanilang direktor dito sa suportang ibinigay sa kanya. “Ang director po namin ay ang napakabait at supportive na si Direk Elfren Vibar na sobrang thankful ako sa pag-alalay sa akin.”

Sinabi rin ni Ria na ang paglabas niya sa Maalaala Mo Kaya ay katuparan ng isa sa kanyang mga pangarap sa showbiz.

“Happy po ako dahil sa maliban sa natupad yung isa sa mga pangarap ko sa career ko po, sobrang sarap katrabaho ng lahat. Si Direk Elfren po, alagang alaga ako.

Tapos isa po sa bestfriends ko si Joseph and close din po ako Kay Matt, so nakakatuwa kasi komportable ako sa mga nakatrabaho ko,” pagtatapos ng mabait na aktres.

ALAM MO NA! – Nonie V. Nicasio

About Nonie Nicasio

Check Also

Ruru Madrid

Ruru Madrid tuloy-tuloy ang dating ng blessings

COOL JOE!ni Joe Barrameda ISANG payat na binatilyo si Ruru Madrid nang pasukin ang mundo ng showbiz …

Blind Item, Men

Male starlet ‘sumisingaw’ na videos kasama ng mga customer na bading

ni Ed de Leon MAGANDA ang sideline ng isang male starlet. Tambay lang siya sa isang watering …

Kristine Hermosa Jericho Rosales

Kristine ‘di feel makatrabaho si Jericho

HATAWANni Ed de Leon BAKIT parang bantulot si Kristine Hermosa nang sabihin sa kanyang gusto siyang makasamang …

Kathryn Bernardo Daniel Padilla Kathniel

Daniel bumaba ang TF nang mahiwalay kay Kathryn

HATAWANni Ed de Leon NATATAWA kami noong isang araw sa isang blog, na nagsasabi kung …

Vilma Santos

Ate Vi karapat-dapat tanghaling National Artist

HATAWANni Ed de Leon HINDI naghahabol si VIlma Santos na matawag siyang National Artist. Katunayan,  sa tuwing sasabihin …

Leave a Reply

Your email address will not be published. Required fields are marked *