Wednesday , February 28 2024

Probe team binuo para sa deadly concert sa Pasay

BUMUO kahapon ng isang probe team o task force group ang pulisya na tututok sa imbestigasyon nang pagkamatay ng lima katao sa isang concert sa Pasay City nitong Linggo.

Ayon sa pulisya, bumuo sila ng Special Investigation Task Group (SITG) para matutukan ang pag-iimbestiga sa pagkamatay ng lima katao kabilang ang isang American national, na dumalo sa isang “Close Up Forever Summer Concert” sa parking area ng Mall of Asia (MOA).

Kinabibilangan ang task force group ng mga opisyal ng Criminal and Investigation and Detection Group (CIDG), National Capital Region Police Office (NCRPO), PNP Crime Lab, Southern Police District (SPD) at Pasay City Police.

Sinabi ng tagapagsalita ng NCRPO na si Chief Inspector Kimberly Molitas, bukas ang hanay ng pulisya sa isinasagawang “parallel investigation” ng mga tauhan ng National Bureau of Investigation (NBI) kaugnay sa trahedya sa konsiyerto.

Dagdag niya, sa ganitong paraan ay mapagtutulungan nilang makapagbigay nang sapat at makatotohanang impormasyon sa publiko kaugnay sa pangyayari.

Habang ayon kay Pasay City Police chief, Sr. Supt. Joel B. Doria, sumailalim na rin sa toxicology examination ng PNP Crime Lab at autopsy ang isa pang biktima na si Ken Migawa, 18, ng  Antipolo City, makaraan pumayag ang mga kaanak.

Sa paraang ito, mababatid kung ano ang naging sanhi ng heart attack ng biktima na kanyang ikinamatay.

Sinabi ng opisyal, kinokombinsi rin nila ang mga kaanak ng isa pang biktima na si Eric Anthony Miller, 33, isang American national, na isailalim din sa kaparehong pagsusuri.

Aniya, may dumating na nagpakilalang kamag-anak si Miller mula sa Malaysia at kinakusap na nila.

Nauna nang isinagawa ang dalawang parehong “procedure” ng mga tauhan ng NBI sa dalawa pang namatay na biktima na sina Bianca Fontejon, 18, at Lance Garcia, 36, at nabatid na massive heart attack ang sanhi ng kanilang kamatayan. Ngunit hinihintay pa ang resulta ng isinagawang toxicology test sa bangkay ng dalawa.

Samantala, hindi pumayag ang pamilya ng isa pang biktima na si Ariel Leal, 22, na ipagalaw ang kanyang bangkay.

About Jaja Garcia

Check Also

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

Pamahalaang Panlalawigan ng Bulacan, Eagle Cement, nagtanim ng 2,000 bakawan sa Hagonoy, Paombong

UPANG panumbalikin ang mga bakawan sa mga baybaying barangay ng lalawigan, nakipagkaisa ang Pamahalaang Panlalawigan …

Wanted na mga criminal, drug dealer sa Bulacan kinalawit

Wanted na mga criminal, drug dealer sa Bulacan kinalawit

NAGSAGAWA ng matagumpay na operasyon ang pulisya ng Bulacan kamakalawa, na nagresulta sa pagkaaresto ng …

Andre Perez Dizon

PBGen Dizon pinarangalan ng PNP NHQ (sa epektibong pamumuno sa hanay ng Kasurog Cops PRO5)

GINAWARAN ng “Medalya ng Katangitanging Gawa si Police Regional Office 5 Director PBGen Andre Perez …

SM Cyberzone Game Fest Feat

Cyberzone Game Fest 2024 is back to celebrate all things gaming
Cyberzone Game Fest at SM Supermalls now on its 9th Year

Calling all gamers, esports enthusiasts, and tech aficionados! Now on its 9th year, Cyberzone Game …

Leave a Reply

Your email address will not be published. Required fields are marked *