This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang lalaki makaraan magbaril sa dibdib sa harap ng kanyang live-in partner habang nagtatalo sa Caloocan City kahapon ng madaling-araw.
Hindi na umabot nang buhay sa Dr. Jose Rodriguez Memorial Hospital ang biktimang kinilalang si Hyper Jerome Isidro, 21, ng 57 Don Mariano Marcos Avenue, San Jose, Rodriguez Rizal, tinamaan ng bala ng kalibre .45 baril sa dibdib.
Sa isinumiteng report ni PO3 Rhyan Rodriguez kay acting Caloocan City Police chief, Supt. Ferdinand Del Rosario, dakong 3:15 a.m. nagtalo ang biktima at ang live-in partner niyang si Jenny Mae Briones sa kanilang kuwarto sa 182 T. Samson Road, Brgy. 168, Deparo.
Habang nagtatalo, kinuha ng biktima ang kanyang baril at ipinaputok sa kanyang dibdib.
Mabilis siyang isinugod sa pagamutan ngunit hindi na umabot nang buhay.
Sinasabing nagtangka rin magpakamatay ang biktima noong Enero 2016 ngunit napigilan.
Masusing iniimbestigahan ng pulisya ang insidente upang mabatid kung may naganap na foul play sa pagkamatay ng biktima.
