Wednesday , December 7 2022

PNoy admin, SMARTMATIC muling binahiran ang integridad ng eleksiyon

NAKALULUNGKOT na maging ang mga nanalo overwhelmingly sa eleksiyon nitong Mayo 9 ay nababahiran ngayon ng dungis dahil sa ginawang pambabastos ng SMARTMATIC sa kasagradohan ng ating karapatan na pumili ng mamumuno sa ating bansa.

Mula pagkabata, namulat tayo na ang eleksiyon ay mahalagang araw para sa ating pagkamamamayan. At ang ating boto ay sagrado.

Kaya ang ginawang pakikialam ng Smartmatic sa pamamagitan ni Marlon Garcia, isang dayuhan, para ipasok umano ang ‘cosmetic changes’ sa transparency provider ay isang malaking panlalansi sa karunungan ng mamamayang Filipino.

Kalapastanganan sa isang sagradong karapatan!

Higit na malala ang pagkonsinti ng Comelec sa ginawa ng Smartmatic.

Ang pakikialam na ‘yan, sabihin mang cosmetic changes, nang walang pahintulot sa Comelec en banc ay pinaniniwalaang naging puno’t dulo ng tinatawag ngayong electronic dagdag-bawas (e-dagdag-bawas/e-daya) sa resulta ng eleksiyon.

Duda ang maraming mamamayan na ang e-dagdag-bawas/e-daya na ‘yan ay pinakinabangan nang husto ni Leni Robredo.

Bakit hindi?!

Nakapagtataka na noong simulang galawin o pakialaman ni Marlon Garcia ang transparency server, ang lamang na isang milyong botong mahigit ni Senator Bongbong Marcos ay unti-unting nilamon ni Leni Robredo.

Saan kumuha ng boto si Leni?

Sa simula’t simula hindi siya nanaig sa mga survey. Ang pag-angat ni Leni sa survey sa mga huling sandali ng kampanya ay kinakitaan na ng mind-conditioning.

Pumutok din ang teoryang PLAN B na marami ang nag-iisip ngayon na isang katotohanan.

Ang pananaw pa nga ng Duterte supporters, kung hindi overwhelming ang kanyang panalo, plano rin siyang yariin ni Mar Roxas.

Bakit ‘kan’yo?

Nakapagtataka ang biglaang pagpangalawa ni Roxas. Unti-unti rin niyang nilamon ang boto nina Sen.  Grace Poe at VP Jejomar Binay.

Mabigat ang dapat panagutan ng Smartmatic sa nagdaang eleksiyon sa bansa.

Gaya sa ibang bansa, ang Smartmatic ay walang magandang track record sa mga eleksiyong sila rin ang kakontrata.

Hindi na simple ang panlilinlang ngayon dahil ito ay electronic na panlilinlang.

At marami ang naniniwala na ang serbisyo nila ay kinukuha hindi upang maging mabilis at maayos ang eleksiyon.

Kinukuha sila upang maging mabilis at iglap ang pandaraya.

Hindi ito dapat palampasin ng sambayanan. Dapat managot at makulong ang mga taga-Smartmatic dahil bilyones ang kinita nila sa ating bayan.

Binayaran na natin ng bilyones, winasak pa ang kasagradohan ng ating eleksiyon.

Daig pa niyan ang heinous crime.

Kung may death penalty, kulang pa ‘yan para sa mga taga-Smartmatic at sa lahat ng mga kasabwat sa PNoy administration.

Kondenahin natin hanggang maparusahan ang pambababoy ng isang dayuhan sa ating halalan!

‘Violent’ reactions sa 2 appointee-to-be ni Mayor Digong inalmahan ng netizens at Duterte die hards

NITONG mag nakaraang araw, habang nagbabanggit ng mga pangalan si President-elect Rodrigo “Digong” Duterte na target niyang pumuno sa kanyang Gabinete, nakita natin na tila walang umaangal.

Kumbaga, walang marahas na pagtutol dahil katanggap-tanggap sa kanila ang mga iminumungkahing pangalan para sa isang cabinet position.

Pero nang mabanggit ang mga pangalan nina congressman Mark Villar para sa Department of Public Works and Highways (DPWH) at ni Atty. Salvador Panelo na haharap daw sa Malacañang press, aba talaga namang sunod-sunod ang ‘mararahas’ na pagtutol.

Pagtutol mula sa netizens at sa Duterte diehards.

Si Rep. Mark Villar sa DPWH?!

Wattafak!?

Hindi ba’t maliwanag na conflict of interests ‘yan?!

Sabihin man na walang posisyon o wala nang pakialam si Mark sa negosyo ng kanyang Daddy, bilang isang real estate developer, klarong-klaro na mayroon pa rin conflict of interest diyan.

Hindi pa nalilimutan ng sambayanan ang isyu ng C-5 at 6 Road, hindi ba’t diyan nasilat ang presidency ng kanyang erpat na si Manny Villar?!

Nasilat ang sipag at taga ‘este’ tiyaga!?

Alam n’yo naman sa real estate, kapag nagkaroon ng kalsada sa isang lugar, tumataas ang value ng mga lupa.

Malamang lahat ng kalsada patungong Camella Homes ‘e biglang gumanda?

Wanna bet?!

‘Yan namang si Atty. Salvador Panelo, hindi raw maayos ang track record at naging abogado pa ng mga Ampatuan sa kaso ng Maguindanao massacre, tapos siya ang pahaharapin sa Malacañang press at magiging tagapagsalita raw ng Pangulo.

Ano kaya ang magiging itsura ng press briefing ni Atty. Panelo sa media?

Hindi kaya parang nasa korte na nag-aargumento ang mga reporter at siya?

Hindi kaya ‘suicide’ agad sa kanyang karera ang tinutungo ng pagtatalaga sa dalawang appointee-to-be na ‘yan ni Mayor Digong?!

Sana naman ay mapag-isipan pa ‘yan ni Mayor Digong bago italaga.

Kung hindi puwedeng tanggihan ni Mayor Digong sina Villar at Panelo, puwede bang sa ibang puwesto na lang?!

‘Yan po ang naghuhumiyaw na unsolicited advice ng netizens at Duterte diehards…

Pero kung puwede lang mas gusto nilang huwag nang i-appoint ang dalawang ‘yan.

Huwag sanang magmukhang ‘lumalayo’ at ‘nagiging lubak-lubak’ ang daan sa Davao patungo sa ipinangakong tunay na pagbabago…

Tsk tsk tsk…

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

FIRING LINE ni Robert B. Roque, Jr.

Rabies, isda, at bakuna

FIRING LINEni Robert B. Roque, Jr. LABINLIMANG TAON na ang nakalipas nang, sa bisa ng …

AKSYON AGAD ni Almar Danguilan

Alulong ng mga detractors ni IG Triambulo

AKSYON AGADni Almar Danguilan MISTULANG mga lobo na umuungol tuwing kabilugan ng buwan ang iilang …

Dragon Lady Amor Virata

Balik normal ang mga mandurukot

Isumbong mokay DRAGON LADYni Amor Virata SOBRANG GUTOM na nararanasan ng tao ngayon sa ating …

Sipat Mat Vicencio

Si Imee sa Maynila sa 2025

SIPATni Mat Vicencio MALAMANG na magbago ang mukha ng politika sa Maynila kung tuluyang hindi …

YANIG ni Bong Ramos

Vendors pinalayas sa puwesto kapalit ng pay parking slot ng mga motorsiklo

YANIGni Bong Ramos KAHABAG-HABAG ang sinapit ng maraming vendors dito sa Maynila matapos silang palayasin …

Leave a Reply