CHILDHOOD crush pala ng mahusay na singer na si Darren Espanto ang Kapamilya Teen Queen na si Kathryn Bernardo kaya naman isa ang dalaga sa gustong makapareha o makatrabaho kapag pinasok na ang pa-arte.
Tsika ni Darren nang makausap namin sa PEPS Salon, “Kahit hindi ko po maging partner gusto ko lang makatrabaho si Ate Kathryn.
“Kasi she’s been my childhood crush since Goin’ Bulilit pa lang at sobrang bata pa po ako noon.
“Tapos napapanood ko po siya sa TFC sa ‘Super Inggo’ pa lang crush ko na po siya roon.
“First time ko siyang nakita sa ABS-CBN compound nahiya ako sa kanya.
“Magkasama pa sila noon ni Kuya Daniel sa Hallway nag-hi lang po siya sa akin parang na-starstruck talaga ako.
“Parang alam niya pong taga-‘Voice Kids’ season 1 ako noon, hindi pa kasi tapos ang ‘The Voice’ that time.
“Sabi niya goodluck sa amin, ‘yun po talagang na-starstruck ako sa kanya.”
Alam ba ni Kathryn na crush mo siya?
“Hindi ko po alam, pero si Tita Min (mother of Kathryn) alam niya po yata.
“’Pag nagkikita po kami lagi binabati ko rin siya parang it’s weird kasi rati pinapanood ko lang siya tapos ngayon kilala na rin niya ako.”
MATABIL – John Fontanilla
