This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ARESTADO ang dalawang Chinese national makaraan makompsikahan ng isang kilo ng shabu sa isinagawang buy-bust operation ng Quezon City Police District—District Anti-Illegal Drugs (QCPD-DAID) sa Brgy. UP Campus, Quezon City kahapon.
Sa ulat ni Chief Insp. Enrico Figueroa, DAID chief, kinilala ang mga nadakip na sina Xiongwei Chen, 42, tubong Fujian, China, at Weier Chen, may mga alyas na “Willy Ang Tan” at “Edman Farillas,” 40, freelance agent, Chinese citizen, kapwa nanunuluyan sa Block 5, Lot 4, West Sacred Heart St., Canumay, Valenzuela City.
Ayon kay Insp. Dondon Llapitan, nadakip ang mga suspek sa C.P. Garcia Avenue, Brgy. UP Campus, Quezon City dakong 1:30 p.m.
Nakompiska mula sa mga suspek ang apat na a self-sealing transparent plastic bags na naglalaman ng isang kilo ng hinihinalang shabu.
Kabilang sa nakompiska ang dalawang piraso ng 1,000 peso bill na ginamit na buy-bust money na ipinatong sa ibabaw ng mga boodle money, at isang pulang Mitsubishi Adventure (XSN-536).
Dagdag ni Llapitan, naguna sa operasyon, kanilang dinakip ang dalawa makaraan bentahan ng shabu ang isa sa pulis na nagpanggap na buyer.
