This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
INAMIN ng isang insider sa Commission on Elections (Comelec) na napasok ng virus ang kanilang programa kaya naging napakabilis ang election results (ER) transmission bandang alas singko ng hapon noong araw ng eleksiyon.
Ayon sa source na tumangging pabanggit ng pangalan, nabahala ang opisyales ng Smartmatic International nang makakuha agad ng 10 milyong boto sa quick count ng Parish Pastoral Council for Responsble Voting (PPCRV) si PDP-Laban presidential bet Rodrigo “Digong” Duterte dakong 5:00 p.m. kaya ipina-check nila sa kanilang IT experts kung may gumalaw sa kanilang programa.
“Kung hindi naagapan ng mga IT expert, baka dakong alas-10 ng gabi ay abutin ng 50 milyon ang boto ni Duterte sa transparency server kaya hindi magiging kapani-paniwala ito sa sambayanang Filipino,” ayon sa source.
Nabatid na maraming hackers ang nagtangkang pumasok sa programa ng Comelec dahil sa pagyayabang ng Smartmatic na hindi maha-hack ang kanilang sistema sa loob ng 20 taon.
Nabatid na may mga hacker din na nagdagdag ng boto kay Liberal Party vice presidential bet Leni Robredo kaya sa isang iglap lang ay nalamangan niya si Sen. Bongbong Marcos.
