Friday , May 27 2022

Demokrasya ng ‘Pinas, mawawasak kay Digong?

TAPOS na ang mga palabas, pagbibida  at paglalako ng mga pangako ng mga kandidato para sa iba’t ibang posisyon ngayong eleksiyon.

Bukas, boboto na tayong mga Filipino ng mga susunod na pinuno ng ating bansa.

Pero bago natin gawin ang pagboto, marahil dapat na muna tayong magmuni-muni sandali para mabusisi natin nang husto ang mga kandidato na nanlilimos ng ating mga boto. Hanggang sa yugtong ito, marami pa rin sa atin ang nalilito at hindi kumbinsido dahil tila kakaunti lamang sa hanay ng mga kandidato ang tunay na nagsusulong ng ating mga interes, mithiin at pag-asa.

Batid natin, sa loob ng anim na taon ng pamamahala ni Pangulong Benigno Aquino III, hindi naman umunlad ang ating buhay lalo na ang mga manggagawa at karaniwang tao. Hindi naman kasi tinupad ni P-Noy at ng kanyang Gabinete ang kanilang pangako na iaahon ang buhay ng marami sa ating mahihirap. Ito ang klarong dahilan at matibay na argumento kung bakit hindi natin dapat iboto ang mga kandidato ng Liberal Party. Lahat sila ay dapat nating ibasura sa ating balota.

Dapat nating hadlangan ang pagwawagi  ng mga kandidatong sina Digong Duterte at Bongbong Marcos  na lumalabas na mga nangunguna para sa dalawang pinakamataas na puwesto sa bansa. Silang dalawa ay mangangahulugan ng pagkawasak at pagkawala ng demokrasya sa ating bansa.

Ang mga kuwento tungkol kina Digong at Bongbong ay dapat magsilbing babala para sa atin. Dapat nating maunawaan at mapagtanto ang mga kabuuang implikasyon ng kung paano nila inabuso at ginamit sa maling paraan ang kanilang kapangyarihan sa politika kabilang ang nakaw at tagong yaman ng kanilang pamilya.

Tulad ni Jojo Binay, sina Duterte at Bongbong ay ayaw din ipaliwanag nang buo, malinaw, diretso, at kapani-paniwala kung paano at bakit ang kanilang yaman ay biglang naging ganoon na lamang ang paglaki habang wala namang nangyayaring pag-unlad ng buhay at paglaki ng suweldo sa hanay ng mga manggagawa at maralita sa ating bansa.

Gusto ba natin ng mga pinuno na gagamitin ang kanilang kapangyarihan para supilin ang ating kalayaan kasabay ng pagkakamal nila ng sangkatebaryang yaman na hindi naman nila ipapaliwanag sa atin kung paano nila nakuha? Hindi marapat na magkaroon tayo ng mga pinunong tiwali at sinungaling.

Ang mga kandidato na sina Grace Poe at Chiz Escudero – na tumakbo ang kampanya base sa mga plataporma at programa at hindi base sa mga porma at propaganda – ay maaaring hindi nakahiyakat ng pinakamalakas na ugong sa buong panahon ng kampanya dahil kapwa nila isinusuka ang malaswang biro at imoral na istorya. Ngunit marapat natin silang sipatin nang maigi at bigyan nang malaking konsiderasyon.

Maaaring ikagulat nating mga botante pero ngayong eleksiyon, sina Grace Poe at Chiz Escudero ang bukod-tanging lumilitaw na pinakamahuhusay sa hanay ng mga kandidato.

About Ariel Dim Borlongan

Check Also

PROMDI ni Fernan AngelesI

Ambisyong maging DOE Secretary ni Devanadera, napurnada pa yata

PROMDIni Fernan Angeles SA GITNA NG KRISIS sa enerhiya, higit na angkop para sa Department …

USAPING BAYAN ni Nelson Flores

Tambak na wiped out pa

USAPING BAYANRev. Fr. Nelson Flores, MSCK, JD. TAPOS na ang halalan pero hanggang ngayon ay …

Dragon Lady Amor Virata

Barangay elections posibleng mabinbin

Isumbong mokay DRAGON LADYni Amor Virata SA LAKI NG UTANG ng ating bansa, nadagdagan pa …

FIRING LINE ni Robert B. Roque, Jr.

Para nga ba sa atin ang cancel culture?

FIRING LINEni Robert B. Roque, Jr. UMABOT na ang cancel culture sa ating modernong kamalayan …

PROMDI ni Fernan AngelesI

Moro-morong tigil operasyon ng e-Sabong

PROMDIni Fernan Angeles SA KUMPAS ng Pangulong Rodrigo Duterte, ang kontrobersiyal na e-sabong kanyang ipinahinto, …

Leave a Reply