WALA pa ring tatalo sa ABS-CBN sa larangan ng pagprodyus ng mga programa sa telebisyon na angkop para sa pamilya at nagpapalaganap ng family values.
Ang nangungunang media and entertainment na kompanya sa bansa ang hinirang na Student Leaders’ Choice of TV Network for Promoting Family-Oriented Values sa ika-12 na USTv Awards, na idinaos noong huling linggo sa loob ng University of Santo Tomas campus.
Ito ay isa sa tatlong Choice TV Network award na tinanggap ng ABS-CBN ngayong taon mula sa USTv, na naglalayong kilalanin ang mga program at personalidad na nagpapalaganap ng Thomasian values at turo ng Simbahang Katolika.
Dalawampu’t lima sa 34 awards na ipinamigay noong gabi ang nakana ng ABS-CBN, kabilang ang bigating awards kabilang din ng Student Leaders’ Choice of TV Network for Entertainment at Student Leaders’ Choice of TV Network for New Media sa ika-12 edisyon ng USTv, na kinikilala ang mga programa, estasyon, at personalidad na nagpapalaganap ng mga katangiang alinsunod sa Thomasian values at katuruan ng Simbahang Katolika.
TALBOG – Roldan Castro
