Friday , March 29 2024

Leni Robredo ‘Sinungaling’ sabi ng LFS

SINUNGALING si Leni Robredo.

‘Yan ang tahasang sinabi ng pinakamalaking youth sector organization sa bansa matapos lumabas ang isang ‘pekeng manifesto’ na nagsasabing iniendoso ng Sandigan para sa Masa at Sambayanan (SAMASA) ang kandidatura ni Leni.

Isang press statement na naka-post sa website, sinabi ng campaign team ni LP vice presidential candidate Leni Robredo na sinuportahan sila ng SAMASA.

Pero kinondena ng national youth groups na League of Filipino Students (LFS) at ANAKBAYAN ang Liberal Party (LP) dahil sa tahasang pag-iimbento at pagsisinungaling para lamang palakasin ang kulelat na si Leni sa lumalakas na disgusto ng mamamayan sa administrasyong Aquino at sa ruling party.

Ayon sa dalawang national youth groups, ang anim na taon sa ilalim ng Liberal Party ni Ninoy Aquino ang maituturing na black era para sa mga kabataang Pinoy at sa buong sambayanan.

Ito umano ang panahon na anim na kabataang estudyante ang nagpakamatay, kabilang si UP freshman Kristel Tejada dahil sa sobrang taas ng tuition fee.

Saang kamay ng diyos, kukunin ng isang dukhang magulang ang tuition fee na umaabot sa P30,000-50,000 noong 2013 hanggang P60,000-100,000 nitong 2015?!

At ngayong 2016?! Bukod sa nadagdag na dalawang taon sa Senior High School, tiyak na muli pang sisirit ang tuition fees.

Mantakin ninyo ‘yun?!

Paano iendoso ng mga kabataang estudyante ang isang kandidatong gaya ni Leni na tagapagtaguyod ng mga programa ng Daang matuwid na walang ginawa kundi pahirapan ang sambayanan?!

Nakahihiya!

Gagamitin ang sektor ng kabataan para lang magpabango?!

Hindi tayo male chauvinist pig pero, sa kultura natin, ang ‘panloloko’ na gawa ng isang babae ay anyo ng sukdulang pananalbahe sa kapwa.

Naniniwala kasi tayo na ang isang babae ay mas malapit sa paggawa ng kabutihan kaysa panloloko o pandaraya.

Simpleng Leni… simple kahit sa pandaraya ng kapwa at kabataan pa ang piniling gamitin?!

‘Yan ba ang isang kandidato na nagsasabing magiging mabuting ina siya sa sambayanan?!

Sonabagan!

Sabihin na nating hindi utak ni Leni ang gumalaw diyan, pero por dios por santo, pagsabihan naman niya ang kanyang kampo na huwag gamitin ang mga kabataan.

Hindi pa nga nasasagot ang mga isyu ng Kidapawan massacre na ang biktima ay mga nagugutom na magsasaka, dagdag na utang ng Aquino administration sa mahabang listahan ng human rights violation.

Ang Lumad killings sa Mindanao, mahigit 300 extrajudicial killings, at ang patuloy na pagpiit sa 560 political prisoners, na 136 ay youth detainees.

‘Yung pagpapabaya sa Yolanda victims, pagtataas ng MRT-LRT fare, US military bases sa Philippine soil sa ilalim ng EDCA, at ang veto SSS pension hike para sa senior citizens.

Sabi nga lahat nang ‘yan ay ipagpapatuloy ni Leni…

Payag ba kayo?

Isang tanong, isang sagot?!

Ang aking unang anim na Senador para sa Mayo 9

NGAYON pa lang, gusto nang ipaalam ng inyong lingkod ang lalamanin ng ating balota.

Mayroon na tayong napiling anim na Senador, habang pinag-iisipan pa natin ‘yung huling anim.

Si Senator Juan Miguel Zubiri. Isang taong may delicadeza at may pagpapahalaga sa mga mamamahayag.

Nang masangkot sa kontrobersiya ang kanyang pangalan kaugnay ng resulta ng eleskiyon, hindi na kailangan magdalawang salita pa, agad nag-resign sa puwesto si Senator Zubiri at buong pusong ibinigay ang puwesto kay Sen. Koko Pimentel.

Noong ang inyong lingkod ay presidente ng National Press Club (NPC), sinagot niya ang kalahati ng gastusin para sa insurance ng aming mga miyembro.

Walang dalawang salita kapag nagbigay ng commitment si Senator Zubiri. Siya ang ating number 1.

Si Senator Richard Gordon. Kung gaano siya kabilis magsalita, ganoon din siya kabilis magtrabaho.

Hindi yata kilala ni Senator Dick ang salitang pahinga, upo, tamad at kupad.

Siya lang ang nakita nating Senador na hindi nauubusan ng energy at lalong hindi nauubusan ng ideya kung paano imo-motivate ang sambayanan para lumahok sa pagpapasigla ng turismo sa ating bansa.

Huwag po ninyong tatanggalin sa line-up ng inyong mga iboboto ang isang mambabatas na katulad ni Dick Gordon. Number 2 ko ‘yan.

Si dating MMDA chair Francis Tolentino.

Hinangaan rin natin siya sa kanyang delicadeza at paninindigan.

Nang masangkot sa kontrobersiyal na performance ng isang grupo ng mga mananayaw sa caucus ng Liberal Party ang kanyang pangalan, agad din siyang nagbitiw sa partido pero itinuloy ang kandidatura bilang independent senatorial candidate.

Si Tolentino, dating alkalde ng Tagaytay City ang isa sa mga susing tao kung bakit nag-boom ang turismo at ekonomiya sa bulubunduking siyudad ng Cavite.

Bilib tayo sa ipinakikita niyang fighting spirit.

Sina Madam Toots Ople at Atty. Lorna Kapunan ay pinaniniwalan nating malaki ang maitutulong sa pagsusulong ng kagalingan ng overseas Filipino workers (OFWs) at pagpapatupad ng tamang batas at hustisya sa ating bansa.

Hindi na kailangan sumikat ni Madam Toots Ople sa kanyang ginagawang pagtulong sa OFWs. Tuloy-tuloy ang kanyang pag-alalay, may publicity man o wala, may pondo o kapos rito, ang importante serbisyo para sa OFWs.

Si Atty. Kapunan, klarong-klaro ang kanyang bisyon sa justice system ng ating bansa. Alam niya kung paano ito gagawin at ipatutupad.

Higit sa lahat, sina Madam Toots Ople at Atty. Kapunan ay walang lambong ang mga pagkatao.

Hindi gaya ng dalawa ‘este’ iba riyan na parang kinakaladkad pa ang kaimoralan sa publiko.

Ople at Kapunan po, pakidagdag sa inyong listahan.

At si Senator Ping Lacson? Mayroon pa ba tayong masasabi?!

Siya lang yata ang may yagbols sa mga Senador na nakilala natin.

Para sa kanya, bawal ang PORK BARREL. Huwag na nating pag-usapan kung paano siya magpatupad ng peace & order dahil siya naman ay mambabatas. Pero nakita natin noon kung paano siya magtrabaho bilang PNP chief.

Huwag rin po natin siyang kalimutan.

Sila po ang unang anim na Senador sa ating listahan.

Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *