Tuesday , November 29 2022

Tanim-bala na naman

NAGDULOT ng pangamba sa marami ang muling pagputok ng isyu ng tanim-bala sa Ninoy Aquino International Airport (NAIA) Terminal 1.

At sa pagkakataong ito, marami ang nagulat at naawa dahil mag-asawang kapwa senior citizens ang hinuli ng mga awtoridad dahil sa pagtataglay umano ng bala sa dalang shoulder bag.

Nakatakda sanang magpunta sa America para magpagamot sina Esteban Cortabista, 78, at ang asawa na si Salvacion, 75, ng Boso-boso, Antipolo City.

Pero nabigong makaalis ang mag-asawang pasahero dahil nakitaan umano ng bala ang bag nila sa huling checkpoint ng mga bagahe sa paliparan.

Ang katuwiran ni Salvacion, dalawang ulit na silang nagpupunta sa America kaya alam nila na ipinagbabawal ang pagdadala ng bala sa paliparan.

Tahasang itinanggi ng mag-asawa na kanila ang isang bala na nakita raw ng X-ray machine sa loob ng shoulder bag ni Salvacion.

Ang ipinagtataka nila, bakit nang ipasok nila ang bagahe sa unang X-ray machine ay walang nakitang bala. Samantala, sa huling security check lumitaw na ang bala na nasa loob ng bag.

Ano nga kaya ang nangyari? Nagkaroon kaya ng mahika kaya misteryosong lumabas ang bala na wala naman sa unang security check? Ang akala ko’y tapos na ang isyung ito pero pinagpahinga lang pala para muling manalasa, makapambiktima at makapangotong.

Isang wheelchair attendant na nagngangalang Niño Namba ang inakusahang humihingi umano ng P50,000 sa mag-asawa matapos matuklasan ang bala sa kanilang bagahe.

Ayon sa pamangkin ni Cortabista na si Fei Balagot, nagbabala pa raw ang attendant na ang halaga na kanyang hinihingi ay maaaring tumaas kapag dinala na sila sa mga awtoridad para sampahan ng kaso.

Si Namba ay kasalukuyang iniimbestigahan ng pulisya. Pero makikita sa naganap na may mga tiwali pa ring empleyado sa paliparan na gagawa ng kalokohan kung makalulusot ito.

Ang mga miyembro ng PNP Aviation Security Group ay tinatawag lamang sa oras na may matuklasang bala o ano mang kontrabando sa loob ng bagahe ng pasahero. Ito ang dahilan kung bakit tinitiyak nila na hindi sabit ang mga pulis sa ano mang katiwalian na nagaganap.

Pero hindi kaya mas makabubuti kung tututukan ng pulisya ang pagbabantay sa mga empleyado ng paliparan, para matiyak na walang gagawa ng kalokohan na ikapeprehuwisyo ng mga pasahero at magdudulot ng kahihiyan sa buong bansa?

***

SHORT BURSTS. Para sa mga komento o reaksiyon, mag-email sa [email protected] o mag-tweet sa @Side_View.

About Robert B. Roque, Jr.

Check Also

FIRING LINE ni Robert B. Roque, Jr.

Bigyang-pugay ang bagong BIR chief

FIRING LINEni Robert B. Roque, Jr. NABABAHALA sa walang kahirap-hirap na pagkakaroon ng access ng …

AKSYON AGAD ni Almar Danguilan

Makataong anti-illegal drug campaign ni PBBM, nakaisa ng shabu lab

AKSYON AGADni Almar Danguilan PUWEDENG-PUWEDE naman pala e. Ang alin? Ang malinis na pagpapatupad ng …

Jacinto Bustamante Benjamin Bauto Chess

Tagumpay sa Tagaytay City

CHECKMATEni NM Marlon Bernardino NAGING matagumpay ang pagbubukas ng Asian Juniors and Girls Chess Championship …

Dragon Lady Amor Virata

Tapang ni Bantag uubra kaya kay Remulla?

Isumbong mokay DRAGON LADYni Amor Virata LABASAN ng baho ngayon ang lumilitaw sa bibig ni …

FIRING LINE ni Robert B. Roque, Jr.

Ang dreamer, ang optimist, at ang pessimist

FIRING LINEni Robert B. Roque, Jr. GOOD luck kay Bureau of Corrections (BuCor) Officer-in-Charge Gregorio …

Leave a Reply