Friday , March 29 2024

Haponesa, live-in arestado sa pekeng pera

PINAYUHAN ng Pasay City Police ang publiko na maging maingat kaugnay sa pagkalat ng mga pekeng pera sa nalalapit na eleksiyon, makaraan makompiskahan ang isang Haponesa at ang kanyang live-in partner na Filipino ng fake na P500 bill na ipinambayad sa biniling T-shirts sa isang tindahan sa lungsod kamakalawa.

Nasa kustodiya ng pulisya ang mga suspek na sina Yuki Koguchi, 24, tubong Tokyo, Japan, at Abdul Said Datumanong, 22, ng Sitio Imelda, Taguig City. 

Sa natanggap na ulat ni Pasay Police chief, Senior Supt. Joel Doria, hinuli ng mga barangay tanod ang dalawang suspek sa Baclaran Market,Taft Avenue Extension dakong 8:35 p.m. kamakalawa.

Ayon sa ulat, bumili ang mag-live in partner ng dalawang T-shirts na nagkakahalaga ng P150 sa tindahin ni Lucita Taganos, 44, at ibinayad ang P500 ngunit napansin ni Taganos na may kakaiba sa perang iniabot sa kanya ng dalawa.

Bunsod nito, agad humingi ng tulong si Taganos sa tanod na si Rasul Sultan na agad dinala ang mga suspek sa barangay hall at pagkaraan ay dinala sa Pasay City Police.

Nakompiska mula sa mga suspek ang mga pekeng P500 bill na umaabot sa halagang P10,000.

Mahaharap ang mga suspek sa kasong illegal possession and used of false treasury or Bank Notes and other  instrument of credits, at paglabag sa Article 318 (Other Deceits) ng Revised Penal Code sa Pasay Prosecutor’s Office. 

 

About Jaja Garcia

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *