This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
Mismong sa bibig ni Davao City mayor Rodrigo Duterte lumabas kung anong klaseng ‘animal’ ang ‘naglalamyerda’ sa kanyang utak.
Mantakin ninyong na-gang rape at pinaslang na ‘yung biktimang Australian missionary, sabihin ba namang, “Maganda pala ‘yan, dapat mayor ang nauna.”
Wattafak!?
Mukhang kinapos ‘ata ng payo si Kuya Alan sa kanyang presidentiable.
Ngayon pa lang, dapat talagang ipa-psycho and neuro test ‘yang mga kandidato lalo sa hanay ng presidential and vice presidential bets.
Delikadong ang mailuklok ay isang ‘Idi Amin’ di ba?
Sabihin man ni Digong na nagbibiro lang siya, hindi pa rin ito katanggap-tanggap lalo na sa mga kababaihan.
Isang tao na nabuhay sa kultura ng pagkahalimaw laban sa mga babae ang maaaring magkaroon ng ganyang klase ng pag-iisip.
Imbes humingi ng paumanhin lalo pang pinandigan nang sabihin na siya ay mahirap lang kaya ganoon ang kanyang lengguwahe.
Insulto na naman ‘yan?!
Komo mahirap, hindi alam kung ano ang tama at mali?!
Grabe!
Maraming kinikilabutan kapag nakikita nila ang dami ng mga taong sumusugod sa kanyang mga caucus. Halos mapuno ang kalsada sa kahihintay sa kanya. Halos sambahin siya dahil ang tingin nila, ililigtas sila laban sa mga halang ang bituka at kaluluwa…
Pero dahil sa kanyang mga pahayag, unti-unting nahuhubad daw ang kanyang maskara?
Tsk tsk tsk…
Ang akala natin si Kris Aquino lang ang taklesa. Kaya kung dati, kapatid lang ng presidente ang taklesa, ngayon kung saka-sakali, presidente na ang magiging taklesa…
Ipag-adya nawa!
God bless Philippines!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
