Monday , June 24 2024

Pabahay at trabaho naman — Lim (Kalusugan at edukasyon ‘di na problema)

MATAPOS buhayin ang libreng serbisyong medikal at edukasyon, isusulong ni dating Manila Mayor Alfredo S. Lim, sakaling muling mailuklok, ang programang pabahay sa matataas na gusali at trabaho sa mahihirap na pamilya.

Ito ang sinabi ni Lim makaraan sabihin na hindi problema ang kalusugan at edukasyon dahil natupad na niya ito sa mga unang programa nang siya ay nakapuwesto sa ilang termino bilang alkalde.

Sa isang caucus kamakailan, binanggit ni Lim, sa ilalim ng kanyang plano, ang mahihirap ay bibigyan ng pagkakataon na magkaroon ng sariling bahay sa pamamagitan ng pag-aalok sa kanila ng unit sa nasabing housing buildings sa pinakamababang presyo na titiyaking abot-kaya nila.

Dagdag niya, ipatutupad ang housing project sa ilalim ng ‘rent to own’ na sistema, o ‘yung habang nagbabayad ng buwanang renta ay magiging pag-aari sa dakong huli ang tinitirahan.

Ipinaliwanag din ni Lim, ang halaga ng isang unit ay babayaran ng aplikante nang paunti-unti kada buwan at sa oras na makompleto na ang kabuuang bayad, makukuha na ng nakatira ang titulo para sa unit at ang pag-aari ay awtomatikong maisasalin sa kanya.

Sa nasabing planong pagtatayo ng housing buildings sa lungsod, inaasahan ni Lim na lilikha nang maraming trabaho kapag naumpisahan na ang proyekto.

Kaugnay nito, sinabi ni Lim, sino man ang magpapatupad ng proyekto, kanyang aatasan na taga-Maynila ang kukuning mga trabahador.

About Leonard Basilio

Check Also

Toll collection sa Cavitex suspendido nang 30 araw

IPINAHAYAG ni Pangulong Ferdinand Marcos, Jr., ang magandang balitang natanggap niya mula sa Philippine Reclamation …

Bamban mayor, 13 pa inasunto sa ilegal na POGO

NAHAHARAP sa isang asuntong kriminal  si Bamban, Tarlac Mayor Alice Guo kasama ang 13 iba …

Sa asuntong human trafficking  
MAYOR ALICE GUO KOMPIYANSA VS PARATANG  
Walang ebidensiya para tawaging kasabwat

HATAW News Team NANINDIGAN si Bamban Tarlac Mayor Alice Guo na wala siyang koneksiyon sa …

Two DOST Region 02 Women Earn Certification as CagVal RPGRPs 1

Two DOST Region 02 Women Earn Certification as CagVal RPGRPs

The Department of Science and Technology (DOST) Region 02 is proud to announce that two …

SM Fire Volunteers 1

BFP, DILG, and SM Prime empower communities through 1st fire volunteers assembly

In a demonstration of its commitment to community safety, the Bureau of Fire Protection (BFP) …

Leave a Reply

Your email address will not be published. Required fields are marked *