Friday , March 29 2024

Alden nadedevelop na nang husto kay Maine, Rogelia at Yaya Pak umeeksena sa Kalyeserye

KAHAPON ay 39 weeks nang tumatakbo sa ere ang KalyeSerye nina Alden Richards at Maine Mendoza at sineselebreyt rin sa buwang ito ng phenomenal love team ang kanilang “39th weeksary.”

Ibinuking ni Yaya Dub, Maine na libro at bulaklak ang iniregalo sa kanya ni Alden na ipinangakong laging babasahin.

Sa tagal ng samahan ng maglabtim at lalim na rin ng kanilang pinagsamahan bukod sa gamay na nila ang isa’t isa, habang pinanonood sila ay mararamdaman na nade-develop na nang husto si Alden kay Maine.

Kasi kahit na dinadaan niya sa biro ang nararamdaman niya sa dalaga ay obyus pa rin na mahal niya si Maine.

Well siguradong magbubunyi at masaya ang lahat lalo na ang AlDub nation kapag ini-announce na ni Alden na officially on na sila ni MM.

Samantala may dalawang bagong pasok na karakter sa kalyeseye at sila ay sina Yaya Pak (Boobay) at newest Rogelio sa umaga at Rogelio sa gabi na agaw-eksena sa bangayan nila ni Yaya Pak at mukhang pinapantasiya ni Rogelia si Alden.

Naku, baka this time ay beki ang maging kaagaw ni Maine kay Pambansang Bae. Huwag ninyong palalampasin ang tuloy-tuloy na paghahatid saya ng ALDUB Kalyeserye kasama sina Lola Nidora (Wally Bayola) at Lola Tinidora (Jose Manalo).

Marami na pala ang nakami-miss sa pagkaganda-gandang si Paolo Ballesteros na gumaganap bilang Tidora sa nasabing noontime serye.

Abangan siya soon gyud!

AGAWAN NG KAMBAL PARA KAY SAM MAS TUMITINDI SA “DOBLE KARA,” MARKKI PANAKIP BUTAS NI SARA KAY SEB?

Umabot na sa sukdulan ang galit ni Kara (Julia Montes) para sa kanyang kakambal na si Sara dahil sa pang-aagaw sa kanyang nobyong si Sebastian (Sam Milby) sa nangungunang Kapamilya teleserye sa hapon, ang “Doble Kara.”

Hindi na napigilan ni Kara ang kanyang sarili at nilabanan na ang kanyang kakambal matapos niya itong mahuli sa aktong pagnanakaw ng halik at pang-aakit kay Sebastian. Mainit na batuhan ng masasakit na salita na nauwi sa sakitan ang namagitan sa dalawa kaya naman lalo pang tumindi ang galit ng kambal para sa isa’t isa.

Dahil sa mga pangyayari, lubos na naapektohan si Sebastian sa awayan nina Kara at Sara ngunit kahit sinubukan niyang pag-ayusin ang dalawa, namayani ang galit sa puso nila at piniling huwag na lamang magkausap pa.

Ngayon ngang mas lumalalim na ang iringan ng kambal, paano kaya maaapektohan ang kanilang pamilya? Paano po protektahan ni Kara ang kanyang relasyon kay Sebastian? Magtagumpay kaya si Sara sa kanyang masasamang balak laban sa kakambal? At sino naman si Frank (Markki Stroem) kay Sara at ano ang magiging papel sa buhay ng kambal. Panakip butas kaya siya ni Sara kay Seb? Huwag palampasin ang kuwento na magpapadama ng tunay na pagma- mahal, “Doble Kara,” Lunes hanggang Biyernes, pagkatapos ng “It’s Showtime” sa ABS-CBN o sa ABS-CBN HD (Sky- Cable ch 167). Panoorin rin ang past episodes ng programa sa iWanTV o sa skyondemand.com.ph para sa Sky subscr- ibers.

RATINGS NG PRINCESS IN THE PALACE MALAKAS SA MEGA MANILA

Bukod sa pinag-uusapang lovelife ng Pangulo ng bansa na si Leona Jacinto (Eula Valdez) sa “Princess In The Palace” na inlavey sa kanyang PSG na si Col. Oliver Gonzaga (Christian Vasquez) na hunk ang dating, mangugulat rin ang bagong karakter na pasok sa morning teleserye ni Ryzza Mae Dizon sa katauhan ni Ms. Chanda Romero.

May konek sa mother ni Presidente Leona na si Donya Victorina (Boots Anson Roa-Rodrigo). Mukhang iisa lang ang lalaking minahal ng dalawa na si Carlos.

Naging mistress ba si Chanda ng namayapang mister ni Victorina? Samantala sa huling eksena sa episode ng soap noong Huwebes, habang nasa beach sina Madam Leona at anak na si Princess (Ryzza Mae) ay naroon si Allen Dizon.

Ano kaya ang papel nito sa buhay ng leader ng bansa? Malalaman ‘yan sa mga darating na episode ng Princess In The Palace na malakas o mataas ang ratings sa AGB Nielsen Mega Manila Household Ratings.

Pumapalo ang nasabing serye sa rating na mula 11% pataas. Umeere ito Lunes hanggang Biyernes sa GMA-7 bago mag Eat Bulaga!

VONGGANG CHIKA! – Peter Ledesma

About Peter Ledesma

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *