Monday , June 24 2024

Matira ang matibay (Café France vs Phoenix-FEU)

UMABOT man sa sukdulan ang duwelo ng Cafe France at Phoenix-FEU ay magwawakas rin ito mamaya sa huling salpukan bg Bakers at Tamaraws para sa kampeonato ng PBA D-League Aspirants Cup.

Sa huling pagkakataon ay magtutuos ang Cafe France at Phoenix mamayang 3 pm sa  Ynares Sports Arena sa Pasig City.

Puntirya ng Bakers ang ikalawang sunod na titulo matapos na mamayagpag sila sa Foundation Cup. Nais naman ng Phoenix na maging ikalawang koponang makakumpleto ng Cinderella finish sa liga.

Napuwersa ng Bakers sa winner-take-all Game Five ang Tamaraws matapos na magwagi sa Game Four, 100-94.  Nanalo rin ang Bakers sa Game Two, 86-77.

Ang Phoenix na binubuo ng nucleus ng UAAP champion Far Eastern University Tamaraws, ay nagwagi sa Game One (83-78) at Game Three (85-84).

Muntik nang wakasan ng Tamaraws ang serye noong Martes dahil sa nakabawi sila sa 82-68 kalamangan ng Bakers. Naibaba nila ito sa isang puntos, 89-88 sa huling 2:58.

Subalit winakasan ni Paul Zamar ang rally ng Phoenix  at pinalayong muli ang Cafe France, 94-88 may 1:08 ang nalalabi. Si Zamar ay nagtapos nang may game-high 25 puntos.

Maganda rin ang naiambag ng Congolese center na si Rodrigue Ebondo na nagtala ng 18 puntos at 13 rebounds.  Gumawa ng 17 puntos at walong rebounds si Carl Bryan Cruz samantalang nagdagdag ng 13 si Samboy de Leon.

“We showed character in Game Four. I hope we can do it again in Game Five,” ani Cafe France coach Edgar Macaraya,

Sa kabila ng pagkabigo sa Game Four ay naniniwala si Phoenix coach Erick Gonzales na kaya ng kanyang tropa na mamayagpag at makamit ang titulo sa kanilang unang torneo.

Ang Phoenix ay pinangungunahan ng Singapore Southeast Asian Games veteran Mac Belo kabilang na ang mga kakampi sa FEU na sina  Mike Tolomia, Roger Pogoy, Russell  at Richard Escoto, ReyMar Jose, Alfredo Tamsiat UST point guard Ed Daquioag.

( SABRINA PASCUA )

About Sabrina Pascua

Check Also

VINNY Marcos Volleyball FIVB men’s worlds

Vinny Marcos nanguna sa ceremonial launch ng 2025 FIVB men’s worlds

IPINAKITA ng anak ng Pangulo na si William Vincent “Vinny” Araneta Marcos ang pagmamalaki at …

Brazil nanaig vs Netherlands sa VNL Week 3

Brazil nanaig vs Netherlands sa VNL Week 3

PASAY CITY – Bumangon ang Brazil mula sa first-set loss para talunin ang Netherlands sa …

Team Seirin JCI Senate Lipa Open Rapid chess

Team Seirin dinala ni Cu sa tagumpay

Lipa City, Batangas — Nanguna ang Team Seirin sa open division ng JCI Senate Lipa …

Eric Buhain Anthony Reyes PAI

Hikayat ng Philippine Aquatics, Inc. (PAI):
HOMEGROWN SWIMMERS, PINOYS ABROAD MAGPATALA, LUMAHOK SA NATIONAL TRIALS

HINIKAYAT ng Philippine Aquatics, Inc. (PAI) ang lahat ng mga homegrown swimmers at Filipino na …

philracom

2024 Philracom 2nd leg Triple Crown Stakes sa Father’s Day 

MANILA — Inihayag kahapon ng Philippine Racing Commission (PHILRACOM) ang 2nd Leg Triple Crown Stakes …

Leave a Reply

Your email address will not be published. Required fields are marked *