HATAW! D'yaryo ng Bayan hatawtabloid.com
IIGINIIT sa social media ni Lydia Jimenez ng Palabok House, producer ng concert ni Alden Richards sa Edmonton na hindi totoo ang balitang nadala siya kay Alden at hindi marunong magpasalamat.
Maayos ang lahat sa kanila at ng Pambansang Bae. Naging masaya at hassle-free na makatrabaho si Alden.
“Excited na nga ako sa susunod na concert series niya rito dahil mabuti siyang ka-trabaho,” dagdag pa niya.
Samantala, maganda rin ang feedback ng producer ng Vancouver concert ni Alden na si Ami Angelo ng Red Productions. ”It was such a pleasure working with all of you! I hope you enjoyed your stay in Vancouver. Marami pa tayong mga susunod na shows! Miss ko na ang buong team and see you soon!”
Dahil sa magagandang feedback mula sa mga nakakatrabaho ni Alden na mga producer, lalo pang dumami ang inquiry sa Pambansang Bae para mag-concert sa iba’t ibang lugar sa bansa maging sa buong mundo.
Kapuri-puri talaga ang Pambasang Bae na si Alden dahil kahit grabe ang kanyang kasikatan ay nananatili pa ring humble at professional ang binata. Kaya naman tuwang-tuwa sa kanya ang mga producer na nakatrabaho niya kamakailan para sa concert tour sa Canada.
TALBOG – Roldan Castro
