HATAW! D'yaryo ng Bayan hatawtabloid.com
AYAW talagang paawat ang talented at masipag na comedienne na si Boobsie Wonderland. Matapos kasi ang matagumpay nilang concert sa Araneta Coliseum nina Gladys ‘Chuchay’ Guevarra, Ate Gay, at Papa Jack na pinamagatang Panahon Ng May Tama: ComiKilig, ngayon naman ay mapapanood si Boobsie sa kanyang solo concert na pinamagatang Bata… Bata… Anyare?
Ito’y gaganapin sa KIA Theater sa May 13, 2016. Aminado naman ang heavyweight na komedyante na may halong kaba siyang nararamdaman ngayon kaysa noong nag-Araneta sila.
“Medyo po… kasi nga mag-isa lang ako magpe-perform. Mag-isa din po akong manonood, ha-ha-ha-ha! Joke lang po,” pabirong saad niya.
“Sa totoo lang po, as in kabado kasi solo ko lang po ito. As in super paghahandaan ko po at dito ko na yata ilalabas ang mga naitatago kong piyesa sa pagpapatawa. As in, kailangan gumana ang utak ko at siyempre nandyan po si (Direk) Mamu Andrew de Real bilang gugamabay sa akin. Siya po ang direktor ko at malaking tulong po sa akin, kasi super galing po niya sa pagsulat at pagdirek.
“Gagalingan ko po itong sa KIA para may sumunod pa.hihihihi!”
Ang Bata… Bata… Anyare? ay produce ng CCA Entertainment Productions Corporation ni Joed Serrano.
Ano ang dapat asahan ng manonood nito?
“Siguro po sa tingin ko isa ito sa mga concert na hindi nila malilimutan.as in tatatak at paguusapan.kc baka mamura nila ako sa sakit ng panga nila at baka mabalisawsaw sila kakaihi….so pag hindi po nangyari un eh di hindi!!!! nyahahahahahhaha… basta po gagawin ko ang lahat para sa ikasasaya ng lahat lalo na po ng producer ko na si Titi Joed Serrano.thank you po!!!
Ikaw na ba ang favorite ngayon ni Joed?
Sagot ni Boobsie, “Hindi naman po siguro, lahat po yata kami ipo-produce nya.. Nauna lang po ako, hihihihihi! Sunod na nga po si Ate Gay, eh.”
ALAM MO NA! – Nonie V. Nicasio
