Monday , June 24 2024

Dating gabinete ni P-Noy na senatoriable bait-baitan?

MALAPIT-LAPIT na tayong mamili ng mga bagong mamumuno sa ating bansa at karamihan sa kanila sinasabing makabayad ‘ehek’ makabayan daw, maka-Diyos, maka-mahirap, may kakayahang mamuno bilang lider.

Kung kaya’t kanya-kanyang paandar, pakulo, pautot, paek-ek ang mga kandidato natin pero sa totoo lang naman ‘di natin lubos na nakikilala ang ilan sa kanila kung tunay ang kanilang pinagsasabi o kung mga bolero’t bolera lang.

Kung tayo ang tatanungin makikita ang tunay na makabayan at may pusong kandidato kung paano niya itrato ang kanyang mga tauhan o empleyado.

Korakakak ba?

Simple lang naman ang lohika riyan, paano magmamalasakit o ipagtatanggol ang kapakanan ng ibang tao kung mismong mga tauhan na pinakikinabangan nila ay hindi maayos ang pagtrato sa kanila.

Parang one plus one lang ‘yan equals two!

Hak hak hak hak!

Katulad na lamang nitong senatoriable na dating gabinete ni P-Noy na nagbait-baitan sa pangangampanya pero halimaw sa mga empleyado niya?

Parang maamong tupa kapag nakita ninyo.

Timbre ng ating Hunyango, grabe raw kung magpatrabaho si senatoriable na itago na lang natin sa pangalang ‘Patilya’ dahil lagpas dose oras kung mag-duty ang mga empleyado niya!

Ayos lang naman sana kahit 24 oras pa ang trabaho nila siguro if the price is right, ang kaso si Patilya under minimum wage ang pasuweldo at wala pang overtime!

Tinamaan ng kidlat ‘yan!

May gana ka pang kumandidato?!

Hindi lang ‘yan, dahil bukod sa hindi sumusunod sa batas si Patilya, kung mura-murahin pa raw ang kanyang mga empleyado mula buhok hanggang kuko!

Bwar har har har! Buhok talaga ha!

O ngayon, ano kaya ang aasahan ng labor sector dito kay Patilya?

E ‘di nganga!

Kailangan pa bang i-memorize ‘yan?!

Malayong-malayo ka Patilya sa kakilala kong employer na may malasakit talaga sa kanyang mga empleyado may nakakakita man o wala, may kamera man o wala basta siya tulong nang tulong pati sa ibang tao.

‘Yun ang tunay na lingkod bayan.

E ikaw? Toink toink!

Balita namin ‘e panay ang ikot ni Patilya sa iba’t ibang lugar pero ‘di umaalingawngaw o ume-echo ang kanyang pangalan sa top 10 survey!

Asa pa siya o!

Gets n’yo na ‘yan kung sino si Patilya na walang ka-energy-energy sa benepisyo ng kanyang mga tauhan!

Gets ko na ‘yan!

About Jethro Sinocruz

Check Also

Sipat Mat Vicencio

Dapat bang suportahan ni Digong si Imee sa halalan 2025?

SIPATni Mat Vicencio SILIP NA SILIP ang diskarte ni Senator Imee Marcos at halatang ginagamit …

FIRING LINE ni Robert B. Roque, Jr.

Ang ‘mischievous’ na misis ng Pangulo

FIRING LINEni Robert B. Roque, Jr. BAGO mag-weekend, isang pahayag kontra kontrobersiya ang umalingawngaw mula …

Sipat Mat Vicencio

Dapat lang sibakin si Migz

SIPATni Mat Vicencio WALANG ibang dapat na sisihin sa pagkakasibak ni Senator Juan Miguel “Migz” …

FIRING LINE ni Robert B. Roque, Jr.

General lie

FIRING LINEni Robert B. Roque, Jr. PINAKAWALAN sa Shangri-La Dialogue ng pinakamatataas na opisyal ng …

AKSYON AGAD ni Almar Danguilan

Pananakit ng grupong MANIBELA kay Gonzales, kinondena ng QCPDPC

AKSYON AGADni Almar Danguilan NAKALULUNGKOT ang balita o nangyari kahapon sa kapatid namin sa pamamahayag …

Leave a Reply

Your email address will not be published. Required fields are marked *