NAGBIGTI ang isang 38-anyos lalaki nitong Linggo dahil sa matinding selos nang dalawin ng kanyang kinakasama ang dating kasintahan sa Pasay City Jail. Kinilala ni Pasay City Police chief, Senior Supt. Joel Doria ang biktimang si Erwin Delfin, walang trabaho, ng 150 Road 4, Pildera2 ng siyudad. Sa pagsisiyasat ni PO3 Mario Golondrina, natagpuan ang nakabigting biktima ng kanyang 9-anyos pamangkin sa kanilang bahay dakong 6 p.m. Bago ang insidente, nagtalo si Delfin at ang kanyang kinakasama nang bisitahin ng babae ang dating nobyo na nakakulong sa Pasay City Jail. Sinasabing makaraan silang magtalo ay nagbantang magpapakamatay ang biktima ngunit hindi pinansin ng ginang. Kamakalawa, natagpuan na lamang ng pamangkin ang biktima habang nakabigti sa kisame ng kanilang bahay.
Post navigation
