KOMPIRMADO: Sisibakin na sa ere ang CelebriTV sa May 7!
Mismong si Lolit Solis, isa sa tatlong hosts ng nasabing programa (kasama sina Joey de Leon and Ai Ai de las Alas), ang nagkompirma sa amin na mamamaalam na ito, halos walong buwan makaraang umere ito noong September 19 last year.
Ang CelebriTV ang pumalit sa Startalk na umere ng halos 20 taon.
Ani ‘Nay Lolit, isang programa ng news and public affairs ng GMA ang ipapalit sa time slot ng kanilang Saturday afternoon show.
Samantala, ang studio na ginamit ng Startalk which is the same studio na ginagamit ng CelebriTV ang siya ring magsisilbing bagong tahanan ng Wowowin mula sa paglipat ng studio nito sa Kalayaan, Quezon City.
( RONNIE CARRASCO III )
