Friday , March 29 2024

Hindi lang si Miriam ang tumatakbong may sakit kundi pati si VP Binay?

MUKHANG naging “sacrificial lamb” ang manedyer ng Rizal Commercial Banking Corp. (RCBC) na si Maia Santos-Deguito sa pagnanakaw ng mga Chinese hacker sa $81 milyon mula sa United States Federal Reserve na nakarating sa Filipinas sa pamamagitan ng Bangladesh Bank.

Ibinuking na kasi ng Anti-Money Laundering Council (AMLC) ang bilyon-bilyong pisong ginamit ni Vice President Jejomar Binay mula sa kanyang mga kickback sa katakot-takot na infrastructure projects noong alkalde pa lamang siya ng Makati City para pondohan ang kanyang kampanya noong 2010 elections.

Iniimbestigahan ng mga awtoridad kaugnay ng pagdiretso nang mahigit kalahating bilyong piso publikong pondo sa kanyang sariling bank account at bank accounts ng kanyang mga ka-partner sa negosyo.

Sa 62-page report ng AMLC, maraming kinita si Binay sa mga proyekto tulad ng P547,420,499 na pondo ng Makati City para sana sa nursing school ng University of Makati (Umak).

Ang sinasabi namang bise-presidente ni Binay sa E-Magic na si Senador Bongbong Marcos, nasa edad 20s pa lang may personal bodyguard sa katauhan si Col. Irwin Ver – ang anak ni Gen. Fabian Ver na kanang kamay naman ng diktador na si Ferdinand Marcos.

Sa katunayan, ibinunyag ni Sterling Seagrave sa kanyang librong “The Marcos Dynasty” na noong nagpunta si Bongbong sa US ay pinatigil ng mga state trooper sa New Jersey ang kanyang minamanehong kotse dahil sa overspeeding.

Nahulihan din daw ng mga state trooper si Bongbong ng isang baril na may kargang mga bala na nakapatong lang sa passenger’s seat ng kanyang kotse.

Pero dahil malakas si Makoy sa US president noon na si Ronald Reagan at may diplomatic immunity si Bongbong, nakalusot ang batang Marcos sa asunto at hindi naghimas-rehas sa bilangguan sa Amerika.

Kung noong kanyang kabataan, sobrang lakas mag-trip ni Bongbong, ngayong nasa 50s na siya ay bigla naman siyang nagka-amnesia.

Hindi niya maalala ang mga naging kasalanan ng kanilang pamilya sa sambayanang Filipino tulad ng 3,257 extra-judicial killings, pag-salvage sa mahigit 2,500 katao, at pagdetine sa 70,000 na mga aktibista, magsasaka, manggagawa, lider ng oposisyon at iba’t ibang organisasyon, inosente, at iba pa.

 Kaya hindi lang pala ang iginagalang nating si Senadora Miriam Defensor-Santiago ang tumatakbong may sakit kundi pati rin pala si Binay at ang may amnesia na si Bongbong.

About Ariel Dim Borlongan

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *