Sunday , April 21 2024

Maliksi bagong alas ng Star

MUNTIK nang ipinamigay ng Star Hotshots si Allein Maliksi noong nakaraang Philippine Cup.

Ito ay matapos na magreklamo si Maliksi bunga ng kakulangan o kawalan ng playing time sa ilalim ng bagong coach na si Jason Webb. Kumalat kasi sa social media ang hinanakit ni Maliksi at natural na masamain ito ng management.

Kasi naman ay  nangangaa pa sa kanyang tungkulin si Webb at tinitignan pa niya kung paano gagamitin ang mga piyesang iniwan sa kanya ng dating coach ng Hotshots na si Tim Cone na lumipat sa Barangay Ginebra.

Hindi rin naman puwedeng sisihin si Maliksi sa kanyang pagdaramdam. Kasi nga ay tila napabayaan siya o nalimutan.

Well, naayos naman ang gusot at nagkaroon din ng playing time si Maliksi.

Unti unti ay bumalik ang kompiyansa ng dating superstar buhat sa University of Santo Tomas.

Hindi naman niya sinasayang ang anumang playing time na ibinibigay sa kanya. Tuwing siya ay ipinapasok ay buhos kaagad siya. Kasi nga ay wala namang garantiya na hahaba ang kanyang magiging exposure.

Kaya kailangan ay quality minutes siya. Sa kasalukuyang Commissioner’s Cup ay lumalabas na nga ang buti ni Maliksi. At noong Linggo, si Maliksi ang siyang naging pinakamalaking tinik sa lalamunan ng Tropang Texters nang magwagi ang Hotshots, 96-88.

Aba’y hindi nagmintis sa three-point area si Maliksi at binura ng Star ang 19 puntos na abante ng  Tropang Texters sa second quarter upang magwagi. Sa kabuuan ay nagtala siya ng anim na three-point shots at nagtapos nang may game-high 29 puntos.

Iyon ang ikalawang panalo sa anim na laro ng Hotshots na naghahangad na makarating pa sa susunod na round.

Bunga ng kanyang kabayanihan, si Maliksi ay nahirang na Accel-PBA Press Corps Player of the Week.

Siguradong ipagpapatuloy ni Webb ang pagtitiwala kay Maliksi at susuklian naman siya ng maganda nito!

SPORTS SHOCKED – Sabrina Pascua

About Sabrina Pascua

Check Also

NYBL Butz Arimado TOPS PSC

NYBL Inter-Cities lalarga sa Mayo 4

ISASAGAWA ng National Youth Basketball League (NYBL) ang 2nd Inter-Cities and Municipalities basketball championship  sa …

Philippine athletics TOPS PSC

Philippine athletics meet tatakbo na

Manila — Inilalagay ng Philippine Athletics Track and Field Association ang kanilang pinakamahuhusay na atleta …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Leave a Reply

Your email address will not be published. Required fields are marked *