This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
KRITIKAL ang kalagayan sa pagamutan ang isang 30-anyos construction worker makaraan lumaklak ng Zonrox bleach kamakalawa ng gabi sa Tondo, Manila.
Inoobserbahan sa Tondo Medical Center ang biktimang si Marlon Rivera ng 762-C Laguna Ext., Tondo.
May natagpuang suicide note sa sling bag ng biktima na nakasaad ang katagang “Papa, Mama, sorry po. Mahal ko po kayo. Lagi po kayong mag-iingat, c Arvin at c Jaypen ingatan niyo po. Love you po.”
Batay sa report ni SPO1 Alexander dela Cruz na isinumite kay Supt. Alex Daniel, commander ng Manila Police District-Jose Abad Santos Police Station 7, naganap ang insidente bandang 10:30 p.m. sa harap ng katabing bahay ng biktima.
Inaalam pa ng pulisya ang motibo nang tangkang pagpapakamatay ng biktima.
