This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PIAT, Cagayan —WALANG balak si Vice Presidential candidate Senator Ferdinand Marcos na pansinin at patulan ang mga grupo at indibidwal na naglalabas ng negatibo laban sa kanya.
Ayon kay Marcos iginagalang niya ang bawat opinyon ng indibidwal ngunit aniya kanyang ipagpapatuloy ang kanyang kampanya upang suyuin ang publiko.
Binigyang-linaw ni Marcos na normal na ang siraan at negatibo sa tuwing magkakaroon ng kampanya ngunit sa kabila nito ay kanyang ipagpapatuloy ang kanyang itinutulak na pagkakaisa sa bawat mamamayang Filipino anoman ang pinangaglingan na lugar at probinsya o lungosd.
Naniniwala si Marcos na mulat na ang taong bayan sa katotohanan at mapanuri na kung kaya’t kanilang maihahalal ang karapat-dapat sa puwesto,.
Bukod sa pangangampanya para sa kanyang kandidatura, pinayuhan niya ang publiko na pag-aralang mabuti at piliin kung sino ang karapadat-dapat sa bawat puwesto sa pamahalaan ngayong darating na halalan mula sa pinakamataas na puwesto hanggang local government.
