This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
TINATAYANG aabot sa P3 milyon halaga ng mga ari-arian ang naabo at halos 600 pamilya ang naapektohan sa sunog sa Muntinlupa City kamakalawa ng gabi.
Ayon sa ulat ng Muntinlupa Bureau of Fire Protection, dakong 11:30 p.m. nang magsimula ang sunog sa bahay ni Daniel Acubo, sa Bagong Sibol, Putatan at mabilis na kumalat sa katabing kabahayan na yari sa light materials at natupok ang may kabuuang 100 bahay sa naturang lugar.
Nasugatan sa kaliwang paa ang biktimang si Annalie Aninang, at agad ginamot ng nagrespondeng medical rescue team.
Naapula ng nagrespondeng mga bombero bandang 3 a.m. ang sunog na umabot sa Task Froce Bravo.
Iniimbestigahan ng mga awtoridad kung ano ang naging sanhi ng sunog.
Samantala, agad nagbigay ng tulong si Mayor Jaime Fresnedi sa mga residenteng nasunugan.
