This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
INIANUNSYO ni Pangulong Benigno “Noynoy” Aquino III ang tig-P10,000 anniversary bonus para sa lahat ng kawani (contractual & regular) at mga opisyal ng Department of Social Welfare and Development (DSWD).
Ginawa ito ng Pangulong Aquino sa kanyang talumpati sa ika-65 anibersaryo ng DSWD na ginanap sa Palasyo ng Malacañang.
Sa speech ng Pangulong Aquino, todo-papuri siya sa mga kawani at pamunuan ng ahensiya sa walang kapaguran at mahusay na pagtupad sa kanilang tungkulin lalo na sa panahon ng bagyong Yolanda at iba pang kalamidad na nanalasa sa bansa.
Ayon kay Pangulong Aquino, kahanga-hanga ang bukas palad na pag-aalay ng sarili para sa kapwa ng mga tauhan ng DSWD at sila raw ang tunay na mukha ng malasakit ng pamahalaan.
Kahit wala na raw siya sa puwesto, umaasa si Pangulong Aquino na ipagpapatuloy nila ang kanilang trabaho sa pagdating ng mga kalamidad at hindi panghinaan ng loob bagkus ay maging sandigan ng lakas ng mga mamamayan lalo ang mga mahihirap at mahihina sa lipunan.
