HATAW! D'yaryo ng Bayan hatawtabloid.com
SA pagtatapos ng kilig-seryeng On The Wings of Love sa Pebrero 26, Biyernes ay marami na ang nalulungkot at sana raw ay mag-extend pa ang programa nina James Reid at Nadine Lustre lalo na ang kakilala naming TFC subscribers.
Naitanong na namin ito pero hindi na raw uubra dahil hindi na kaya ng JaDine dahil may world tour sila bukod pa sa naghahanda nila para sa post-Valentine show sa Pebrero 20 na gaganapin naman sa Smart Araneta Coliseum produced ng Viva Concerts, ABS-CBN, at Dreamscape Entertainment.
Timing dahil bago magtapos ang On The Wings of Love sa Pebrero 26 ay mapapanood muna sina James at Nadine na mag-concert sa Big Dome bilang pasasalamat na rin nila sa Otwolista na sinubaybayan sila sa loob ng anim na buwan.
Tinatanong kami ng mga kakilala naming TFC subscribers kung anong next project ng JaDine at bakit kailangang tapusin kaagad ang Otwol dahil ito lang daw ang pinanonood ng iba dahil, “pampawala ng stress from work.”
Anyway, kung nalulungkot ang Otwolistas ay ganito rin ang nararamdaman ng JaDine dahil inamin nilang may separation anxiety na sila ngayon palang.
At sa nakaraang TFC show ng JaDine sa Sacramento, California ay ginawang memorable ng dalawa ang lakad nilang ito dahil documented lahat na si Nadine raw mismo ang nag-record sa lahat ng lakad nila ni James para kung gusto niyang balik-balikan ang memories nila ay puwede anytime niyang gustong mapanood.
FACT SHEET – Reggee Bonoan
