This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang hinihinalaang drug pusher makaraang pagbabarilin ng hindi nakikilalang suspek na sinasabing miyembro ng drug syndicate, habang ang biktima ay abala sa paglalaro sa loob ng computer shop sa Caloocan City kamakalawa ng gabi.
Ang biktimang agad binawian ng buhay sanhi ng tama ng bala sa ulo at katawan ay kinilalang si Raymund Mina, 26, ng 41 Genesis Alley, Brgy. 143, Bagong Barrio ng nasabing lungsod.
Ayon kay Caloocan Police Station Investigation and Detective Management Branch (SIDMB) chief, Insp. Ilustre Mendoza, dakong 6:30 p.m. nang maganap ang insidente sa loob ng computer shop sa 151 Genesis Alley corner Mascardo Street, Bagong Barrio ng nasabing lungsod.
Habang abala ang biktima sa paglalaro ng games sa computer, nilapitan siya ng suspek at pinagbabaril saka mabilis na tumakas.
Hinala ng pulisya, posibleng may kinalaman sa ilegal na droga ang motibo sa pagpatay sa biktima.
