Pagpapakasal, itinanggi ni Solenn para sa career

PINAIIKOT ni Solenn Heussaff ang isyung kasal na siya kay Nico Bolzico. Ayaw niyang umamin at pinaninindigang party-party lang ang nangyari sa Argentina. Pinaninindigan niya na single pa rin siya sa presscon ng bago niyang pelikulang Lakbay2Love kasama si Dennis Trillo.

Ang pagdi-deny ni Solenn ay may kinalaman siguro sa sexy image niya na posibleng maapektuhan lalo’t may movie pa siyang ipalalabas with Dennis at susundan pa ito ng movie niya sa Regal Entertainment with Derek Ramsay naLove is Blind.

Anyway, nagliliyab ang screen presence nina Dennis at Solenn sa  Lakbay2Lovemula sa Erasto Films. Ito ang pangalawang pagsasama nila pagkatapos ng filmfest movie noong araw na Yesterday, Today, Tomorrow.

Tambak ang hugot lines nila sa movie, hatid din ang mga mensaheng pag-aalaga sa kapaligiran. Pinasok din nila ang mundo ng bikers kasama si Kit Thompson sa mga scenic biking spots gaya ng La Mesa Dam sa QC, Timberland Heights sa San Mateo, at Benguet para sa objective ng movie.

Hindi rin mabibigo ang humahanga sa alindog ni Solenn na lutang na lutang sa kabuuan ng pelikula.

Showing na sa February 3 ang L2L.

TALBOG – Roldan Castro