20-anyos bebot sex slave ng tiyuhin

NAGA CITY – Nabunyag ang paulit-ulit na pagsamantala ng isang lalaki sa kanyang 20-anyos pamangkin sa loob nang mahigit isang taon sa Tiaong, Quezon.

Kinilala ang biktima sa pangalang Vangie, 20-anyos.

Nabatid na mag-isa lamang ang biktima sa bahay ng kanyang tiyahin noong Disyembre 25, 2015 nang biglang dumating ang suspek na si Marco, 68-anyos.

Puwersahang pinapasok ng suspek ang biktima sa loob ng kuwarto at pinagbantaan ang kanyang buhay gamit ang baril kung siya ay papalag.

Base sa imbestigasyon ng mga awtoridad, pauli-ulit na hinalay ng suspek ang biktima na nag-umpisa noong Hunyo, 2014 at natigil lamang noong Disyembre 25, 2015 nang mahuli sa akto ng kapatid ng biktima.

Inihahanda na ang kasong paglabag sa RA 8353 o Incest Rape laban sa suspek.