Monday , August 15 2022

Pagsibak kay Mison hinihintay ng palasyo

MisonHINIHINTAY na ng Palasyo ang rekomendasyon ni Justice Secretary Benjamin Caguioa kung sisibakin na si Bureau of Immigration (BI) Commissioner Siegfred Mison at iba pang opisyal ng kawanihan.

Ito ang pahayag ni Communications Secretary Herminio Coloma Jr., sa napaulat na tatanggalin na sa puwesto si Mison at dalawa pang opisyal ng BI bunsod ng mga kinasangkutang kontro-bersiya hinggil sa panunuhol ng mga puganteng dayuhan para hindi mapalayas sa bansa.

Ani Coloma, nasa ilalim ng pangangasiwa at kontrol ni Caguioa ang BI kaya’t siya ang magrerekomenda kay Pangulong Benigno Aquino III kung dapat pang manatili at pagkatiwalian ang mga opisyal ng kawanihan.

“As the President’s alter ego, the Secretary of Justice exercises supervision and control over the BI, who makes the appropriate recommendations on the officials’ fitness and trustworthiness,” ayon kay Coloma.

Binigyang diin ni Coloma, tulad ng ibang presidential appointees, si Mison at deputy commissioners ng BI ay nakapuwesto dahil sa tiwala at kompiyansa sa kanila ni Pangulong Aquino.

“Like all presidential appointees, the Commissioner and Deputy Commissioners of the BI serve for as long as they enjoy the President’s trust and confidence,” dagdag ni Coloma.

Matatandaan, noong nakalipas na buwan, pinaimbestigahan ng Malacañang kay Caguioa ang mga kasong isinampa sa Ombudsman laban kay Mison.

Sa liham na ipinadala ni Deputy Executive Secretary for Legal Affairs Menardo Guevarra kay Caguioa, hiniling na sisiyasatin nito ang limang kasong inihain sa Ombudsman laban kay Mison at isumite sa kanya ang rekomendasyon hinggil dito.

Kalakip ng sulat ni Guevarra kay Caguioa ang record ng mga kaso ni Mison sa anti-graft body gaya nang inihain nina Atty. Vicente Uncad, Ricardo Cabochan, Maria Rhodora Abrazaldo at Atty. Faizal Hussin.

About Rose Novenario

Check Also

SAME SEX UNION

Mas marami pang dapat iprayoridad
PH HINDI PA HANDA SA SAME SEX UNION 

AMINADO si Senate Minority Leader Aquilino “Koko” Pimentel III, hindi pa handa ang Filpinas para …

BJMP DepEd

1,000 tauhan ng BJMP, tutulong sa Brigada Eskwela 

MAGPAPAKALAT si Bureau of Jail Management and Penology (BJMP) Chief Jail Director Allan Iral ng …

dead gun

Octogenarian ‘nagbaril’ sa sentido

NAGBARIL sa sentido ang 83-anyos lolo sa loob ng kaniyang silid sa Barangay Holy Spirit, …

081522 Hataw Frontpage

Endo sa gobyerno wawakasan na
HB 521 PAG-ASA NG CONTRACTUAL EMPLOYEES

BINIGYANG pag-asa ni Kabayan partylist Rep. Ron Salo ang mahigit 660,000 contractual at job order …

e-Sabong

Jobless dumami sa suspensiyon ng e-Sabong

BUKOD sa pananalasa ngpandemyang dulot ng CoVid-19, naniniwala ang mga taga-industriya na malaki ang naging …

Leave a Reply