Sunday , August 14 2022

Jana Agoncillo, wagi sa Star Awards for TV!

072715 Jana Agoncillo Ningning ft

00 Alam mo na NonieNAKAKATUWA naman pala talaga itong child star na si Jana Agoncillo. Ayon kasi sa mother niyang si Mommy Peachy Agoncillo, nang nanalo ito ng award recently sa 29th Star Awards for TV ng PMPC, hindi raw alam ni Jana kung ano talaga ang nangyayari.

Nang i-congratulate raw kasi si Jana ng Mommy niya, ang sagot daw ng talented na bida sa TV series na Ningning ay, “Ano po yun mommy?”

After maipaliwag daw kay Jana ang ukol sa nakuhang award, masayang sinabi niyang, “Ganoon po ba Mommy. Salamat at nagustuhan nila ako, nakakatuwa po at nagustuhan nila ako at nanalo ako ng award.”

Ang six year old na si Jana ang nagwaging Best New Female TV Personality sa katatapos lang na Star Awards. Nang ipatanong ko kay Mommy Peachy kung alam ba niyang kabilang sa naungusan niya rito ay ang sikat na sikat na si Yaya Dub o Maine Mendoza ng Eat Bulaga, simple lang ang sagot ng bata.

“To be honest po, hindi niya naiintindiham pa masyado. Basta sabi nya, ‘Salamat at nagustuhan nila ako, siguro time ko lang ngayon na manalo sa contest.” Iyon po ang sinabi niya,” esplika pa sa amin ni Mommy Peachy.

Actually, dalawang nomination ang nakuha ni Jana rito. Bukod sa napanalunan niyang Best New Female TV Personality, nominated din siya sa Best Child Performer na eventually ay nakuha ni Marco Masa, ang bidang bata sa Nathaniel.

Ano naman ang reaction ni Jana sa magandang ratings ng TV series nila? “Masaya po ako… basta po lalo ko lang pagbubutihan lagi. Nagpapasalamat po ako sa lahat dahil nakakapagpasaya ang Ningning show namin sa manonood.”

Incidentally, hindi sa Ningning nominado rito si Jana kundi sa Dream Dad na pinagbidahan nila ni Zanjo Marudo. Kabilang sa naging nominees sa Best New Female TV Personality sina: Ali Forbes (Pinay Beauty Queen Academy/ GMA News TV), Jana Agoncillo (Dream Dad/ABS-CBN 2), Loisa Andalio (Nasaan Ka Nang Kailangan Kita?/ABS-CBN 2), Maine Mendoza (Eat Bulaga/ GMA-7), Mariz Racal (Lobo Maalaala Mo Kaya/ABS-CBN 2), MJ Lastimosa (Takure Maalaala Mo Kaya / ABS-CBN 2), at Stephanie Yamut (Yagit /GMA-7).

Anyway, agree ako sa ipinahayag ng Ningning direktor na si Direk Jeffrey Jeturian na puwedeng-puwedeng maging next child star sensation si Jana.

Ayon kay Direk Jeffrey, “Jana is a director’s dream actor. On top of her talent and good attitude, the kid oozes with charm and charisma.” Idinagdag pa niyang natural daw ang pagiging aktres ni Jana at wala itong tantrums. Plus, kapag dumarating sa set ay memoryado na nito ang kanyang mga linya. Madali rin daw bigyan ng instructions si Jana at alam agad pati blocking niya.

Kaya kumbinsido ako na hindi lang pagiging maganda at cute ang bentahe ni Jana, kundi ang kanya ring pagiging talented na bata.

Ang Ningning ay nanapanood sa tanghali, bago ang It’s Showtime. Tinatampukan din ito nina Ria Atayde, Sylvia Sanchez, Ketchup Eusebio, Vandolph Quizon, Nyoy Volante, Rommel Padilla,Pooh, John Steven de Guzman, at iba pa.

ALAM MO NA! – Nonie V. Nicasio

About Nonie Nicasio

Check Also

Julie Anne San Jose, Rayver Cruz, Janine Gutierrez, Paulo Avelino

Rayver umamin nililigawan si Julie Anne

UMAMIN na ang Kapuso actor na si Rayver Cruz na nililigawan na niya ang Asia’s Limitless Star …

Blind Item Aktor hirap umupo TV Diretor

Baguhang male star naiskuran ni direk

ni Ed de Leon MATINO naman talaga nang pumasok sa showbusiness ang isang baguhang male star. …

Aga Muhlach

Happy birthday, Aga!

HATAWANni Ed de Leon ISIPIN ninyo, ngayong araw na ito, 53 years old na pala …

Lydia de Vega

Lydia de Vega ginupo rin ng cancer

HATAWANni Ed de Leon NAKALULUNGKOT ang mga balita nitong linggong ito. Naunang nabalita si Cherie Gil na …

Cherie Gil Alfred Vargas

Alfred wasak din sa pagkawala ng kaibigang si Cherie Gil

SHOWBIZ KONEKni Maricris Valdez Nicasio ISA rin si Alfred Vargas sa sobrang naapektuhan sa biglang pamamaalam ng …

Leave a Reply