Daniel, inilampaso na raw ni Alden
PINAGTATALUNAN ngayon kung nalampaso na ba ni Alden Richards ang popularity ni DanielPadilla? Mas sikat na ba si Pambansang Bae kompara kay Teenage King?
Sa Star Awards ay natigil ang programa dahil pinagkaguluhan ng fans si Alden na never na nangyari sa mga panahong dumalo si DJ sa naturang award giving body.
Paramihan din silang dalawa ng billboards sa EDSA at sa buong Kamaynilaan.
Hitsurang parang silang dalawa na lang ang mabentang endorsers/actor sa Pilipinas.
May Best Actor trophy na si Alden na wala pa si Daniel.
Pareho na rin silang may platinum records sa mga album nila.
Pero napuno na ni Daniel ang Araneta Coliseum na hindi pa nagagawa ni Alden.
May napatunayan na si DJ pagdating sa box office appeal sa pelikula na susubukan pa lang kay Alden.
Sino na ba ang mas sikat sa dalawa?
TALBOG – Roldan Castro
