HATAW! D'yaryo ng Bayan hatawtabloid.com
HINDI namin akalain na marami pala ang fans ng grupong UpGrade kaya ganoon kabilis ang benta ng ticket para sa kanilang Unstoppable concert sa Disyembre 4, Music Museum, 8:00 p.m.. na prodyus ng Aqueous Events.
Isa pala ang UpGrade sa ikinokonsiderang hottest at freshest all-teen boyfriend sa bansa ngayon kaya wala silang takot na makipagsabayan sa concert ni Sarah Geronimo na From The Top na gagawin sa Araneta Coliseum naman.
“Magkaiba naman ang genre ng Upgrade at Sarah G, more on bagets naman itong grupo at saka nasa 80% na po ang tickets selling namin. May ilang days pa, so most probable baka ma-sold out na,” sambit ni Adelle Albano, ng Star Image Artist Management, isa sa namamahala sa UpGrade kasama ang katotong si John Fontanilla.
Taong 2011 nabuo ang UpGrade na kinabibilangan nina Armond, Casey,Ivan, Mark, Miggy, Raymond, at Rhem. Pagkaraan lamang ng ilang buwan, inilunsad sila sa Master Showman, Walang Tulugan ni Kuya Germs Moreno na kaagad kinagiliwan ng mga tin-edyer.
Marami nang awards ang natanggap ng UpGrade at nadagdagan pa ito sa pagkaka-release ng kanilang album na Unstoppable na ipinamamahagi ng Star Music.
Halina’t panoorin ang UpGrade para kayo mismo ang magsabi kung bakit nga ba isa sila sa hottest at freshest all teen boyband sa Dec. 4, Music Museum.
SHOWBIZ KONEK – Maricris Valdez Nicasio
