SOBRANG Excited na ang masipag at mabait na Public Attorney’s Office ( PAO ) Chief na si Atty. Persida Acosta dahil hindi man siya aktres ay nabigyan siya ng magandang role sa Angela Markado ni Direk Carlo Caparas na ipalalabas sa December 2 na isang abogado ni Andi Eigenmann ang role niya.
Ani Atty. Acosta, “Malapit sa puso ko ang showbiz, kaya madalas akong makipagtsikahan sa press people para ma-update ko ‘yung mga current achievement ng aming opisina katulad na lang ng mga biktima ng laglag-bala gang at marami pang iba.”
Kahit nga medyo naiilang siyang umarte, pero sa tamang paggabay ni Direk Carlo ay naitawid naman niya ito ng maayos. Sa totoo lang, sa trailer, parang hindi nga siya umaarte dahil natural na natural ang kanyang dating.
MATABIL – John Fontanilla
