This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NAGPAPAPOGI lang ang mga mambabatas na nagsusulong ng income tax cut, ayon kay Pangulong Benigno Aquino III.
Sa media interview sa Pangulo sa Kuala Lumpur, Malaysia makaraan ang ASEAN summit kamakalawa, sinabi niya na kakapusin ang pondo ng gobyerno kapag tinapyasan ang 30% income tax kaya’t hindi matutustusan ang mga serbisyong panlipunan para sa mga mamamayan.
Iginiit niya na wala siyang planong magpamana ng problema sa susunod na administrasyon dahil magreresulta sa paglaki ng deficit ang panukalang income tax cut na magbibigay daan sa dagdag pangungutang ng bansa.
“So sa totoo lang, politiko rin naman ako e. Ang dali-dali magpapogi hindi ba? Eleksyon, ‘bawasan natin ang buwis niyo!’ At sa totoo lang naman walong buwan na lang ako hindi ko na sasagutin ‘yan kung saka-sakaling may problema. Pero ‘yung konsiyensiya ko paano? Iyong ang daming sakit ng ulo, problema at mga walang kalutasan, iyong iba sino-solve pa namin hanggang itong araw na ito e. Iniwan sa akin. Nangako ako na hindi ko ipapasa doon sa susunod,” aniya.
Sina Sen. Sonny Angara at Marikina City Rep. Miro Quimbo, parehong kaalyado ni Pangulong Aquino, ang naghain ng panukalang batas na income tax cut.
