This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ARESTADO ang isang magtataho makaraang gahasain ang anak na batang babae ng kanyang kinakasama sa loob ng bahay ng kanilang bahay sa Caloocan City kamakalawa ng gabi.
Kinilala ang suspek na si Jan Loel Aranita, 30, ng 5982 Quisumbing Street, Area D, Camarin, Brgy. 178 ng lungsod, nahaharap sa kasong rape in relation to R.A. 7610 (Child Abuse).
Sa ipinadalang ulat ni Senior Supt Bartolome Bustamante, hepe ng Caloocan City Police, dakong 6:30 p.m. nang magananap ang panggagahasa sa biktimang itinago sa pangalang Jean, 9-anyos.
Nang magtungo sa palengke ang ina at isang kapatid ng biktima, ang dalawa lamang ang naiwan sa bahay.
Napag-alaman na inutusan ng suspek ang biktima na isara ang pinto at pagkaraan ay pinaghihipuan ang dalagita at pinaghahalikan.
Pumalag ang biktima ngunit nagbanta ang suspek na siya ay papatayin kaya walang nagawa ang dalagita nang gahasain ng amain.
Nang dumating ang ina, agad nagsumbong ang biktima kaya mabilis na ipinaaresto ng ginang ang suspek sa mga barangay tanod.
