Greta at Claudine, pagsasamahin sa isang serye

FOLLOW-UP ito sa nasulat naming tinanggihan ni Derek Ramsay si Claudine Barretto na makasama sa serye nito sa TV5 at ang ibinigay na dahilan daw ng aktor ay busy siya sa rami ng gagawin niyang pelikula.

Oo nga naman, on going ang shooting niya ng All We Need Is Pag-Ibigkasama si Kris Aquino na entry ng Star Cinema sa 2015 Metro Manila Film Festival. At balita namin ay gagawa rin si Derek ng pelikula ulit sa Star Cinema kasama naman si Bea Alonzo.

May offer din daw ang Star Cinema na magsama sina Derek at Jessy Mendiolapero mukhang hindi pa sarado ang usapan dito.

Anyway, ito ang isa pang nalaman namin Ateng Maricris, sa TV5 na planong kunin din daw si Gretchen Barretto para mag-guest sa soap drama ni Claudine, eh, ‘di ba magka-away silang magkapatid?

Paano ‘yun? Abangan ang susunod na kabanata sa much awaited soap ni Claudine kung sino na ang final leading man na as of this writing ay narinig naming may kinakausap na Kapamilya actor.
FACT SHEET – Reggee Bonoan