CEBU CITY – Nagbigti ang isang 19-anyos ama makaraang hindi padaluhin ng kanyang dating live-in partner sa pagdiriwang ng kaarawan ng kanilang anak kamakalawa ng gabi sa Cordova, Cebu.
Kinilala ang biktimang si Axel Rose Roldan Añiza.
Ayon kay SPO2 Laurencio Wagwag ng Cordova Police Station, natagpuan ng ama ang biktima habang nakabigti sa loob ng kanyang kuwarto.
Kuwento ng ama, bago nangyari ang insidente ay nagpaalam sa kanya ang biktima na dadalo sa birthday party ng anak na nasa kustodiya ng dating kinakasama.
Nabatid na iniwan ng kanyang ka-live in ang biktima dahil wala siyang trabaho.
