SPEAKING of Home Sweetie Home, ikinukonsidera ni Angelica Panganiban na posibleng mag-guest siya pero hindi pa rin natutuloy.
Hindi pa raw siguro panahon dahil naiilang pa rin siyang makasama o makatrabaho ang boyfriend na si John Lloyd Cruz.
Pero malabo pa rin hanggang ngayon ‘yung magsama sila sa drama o serye dahil simula’t sapul noong maging mag-on sila ay iniiwasan nilang magsama sa iisang project.
Hindi pa rin nila napag-uusapan ang pag-aasawa. May assurance naman daw ang relasyon nila at solid. Masaya pa raw ang takbo ng career nila kaya rito muna ang tutok nila. Marami pa raw kasi silang gustong gawin.
Back to Home Sweetie Home, dahil sweet ang mag-asawang Romeo (John Lloyd) at Julie (Toni Gonzaga) nabanggit tuloy ni Gigi (Miles Ocampo) na gusto niya ‘pag nagka-boyfriend siya, ay tulad ng kanyang Kuya Romeo.
Samantala, mahuhuli si Gigi na may kasamang lalaki, si Sir Ryan (Edgar Allan Guzman). Ano ang madidiskubre ni Romeo kay Sir Ryan para maging komplikado ang lahat.
Papangaralan din ng mag-asawang Romeo at Julie ang kanilang nakababatang kapatid na kailangang ingatan ang sarili at mag-ingat sa mga desisyon pagdating sa love.
Pasok ang Home Sweetie Home at Goin’ Bulilit sa listahan ng pinakapinanood na programa nationwide noong Oktubre, ayon sa Kantar Media. Nasa ikawalong puwesto ang Home Sweetie Home (26.2%) habang ikasiyam naman ang Goin’ Bulilit (25.2%).
TALBOG – Roldan Castro
