This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
CALAUAG, Quezon – Halos hindi makagulapay at patang-pata ang katawan ng isang 19-anyos babae makaraang magdamag na halayin ng kanyang bayaw habang natutulog sa kanilang bahay sa Bry. Poblacion ng bayang ito kamakalawa.
Itinago ang biktima sa pangalang Merle, 19, habang ang suspek ay si alyas Ariel, nasa hustong gulang.
Ayon sa inisyal na imbestigasyon, dakong 12 a.m. habang natutulog ang biktima sa kanyang silid nang pasukin ng suspek at tinutukan ng patalim sa leeg.
“Papatayin kita, huwag kang sumigaw, pag sumigaw ka papatayin kita, kakatayin kita, kapag hindi bumigay,” bulong aniya ng suspek.
Bunsod nang matinding takot ay walang nagawa ang biktima hanggang magtagumpay ang suspek sa pagyurak sa kanyang pagkababae.
Nang makaraos ay agad tumakas sakay ng kanyang motorsiklo patungo sa ‘di malamang direksiyon.
Agad nagtungo ang biktima sa himpilan ng pulisya at inireklamo ng panggagahasa ang suspek.
