HATAW! D'yaryo ng Bayan hatawtabloid.com
NAGBABALIK ang dating beauty queen na si Dindi Gallardo matapos ang 15 taong pamamahinga sa showbiz sa pamamagitan ng Dahlin Nick,isang docu drama ukol sa buhay at gawa ng National Artist for Literature na si Nick Joaquin.
Ang Dahlin Nick, ay isa sa official entry sa Cinema One Originals Film Festival na mapapanood sa mga sinehan ng Trinoma, Glorietta, SM Megamall, at Resorts World simula November 9 to 17.
“This is the first film that I’m doing in 15 years. It was great. It’s a cameo but a memorable one. I enjoyed it,” ani Dindi na gaganap bilang Imelda Marcos.
Ani Dindi, kinailangan niyang mag-research para magampanan ng ayos ang papel na Imelda Marcos. ”I had to have that. Not really copy her but just my interpretation of her.”
Ang Dahlin Nick ay kasama sa Originals 2015 Films category ng Cinema One kasama pa ang walong pelikula na tulad ng Baka, Siguro, Yata niJoel Ferrer na isang romantic comedy; Bukod Kang Pinagpala niSheron Dayoc, horror; Dayang Asu ni Bor Ocampo, action, drama;Hamog ni Ralston Jover, drama; Manang Biring ni Carl Joseph Papa, drama-comedy; Mga Rebeldeng May Kaso ni Raymond Red, youth drama; Miss Bulalacao ni Ara Chawdhury, small-town drama; at The Comeback ni Ivan Andrew Payawal, drama comedy.
Bale ito ang ika-11 taon ng Cinema One na ang tema ay Kakaiba Ka Ba? na nagnanais ipagpatuloy ang diversity at uniqueness sa Philippine Cinema, na makatutulong pareho sa filmmakers at film-goers.
Bukod sa siyam na Originals 2015, mayroon ding Special Presentation Films, ito ay ang Honor Thy Father ni Erik Matti at Salvage ni Shrad Anthony Sanchez.
Walong pelikula naman ang nakapasok sa Short films, ito ay ang Junilyn Hans ni Carlo Manatad; Sanctissima ni Kenneth Lim Dagatan, Dindo ni Martika Escobar; Pusong Bato ni Pam Miras, Reyna Christina ni Pia Dimagiba; Memorya ni Jovanni Tinapay; Mabuhay ang Pilipinas ni Bor Ocampo; Anino ni Raymond Red; A Love Story mula New Zeland niSteven Baker; at The Tenant mula UK ni Mohsen Mahkmalbaf.
Kasama rin dito ang apat na Filipino Classics na ini-restore, ito ay angIkaw Ay Akin ni Ishmael Bernal; Karnal ni Marilou Diaz-Abaya; Insiang ni Lino Brocka; at Sana Maulit Muli ni Olivia Lamasan.
SHOWBIZ KONEK – Maricris Valdez Nicasio
