Sylvia, pinayuhan si Ria sa pagpasok sa showbiz

SA pagpasok ni Ria Atayde sa showbiz via Ning Ning ng Kapamilya Network, ay may payo ang ina nitong si Sylvia Sanchez.

“A, si Ria, bago pa lang siya, so gusto ko pang matuto siya bago ko siya isalang nang husto.

“Basta sabi ko sa kanya, mag-enjoy siya, matuto siya, mag-aral siya ng sarili niya at ayaw ko siyang diktahan.

“Ang lagi ko lang idinidikta sa kanya, ‘respeto sa co-actors, sa mga boss, sa mga taga-utility,’ lagi ‘yan.

“‘Maging professional at ‘wag mamimili ng tao,’ kung ano ang itinuro ko kay Arjo, ‘yun din ang itinuro ko sa kanya,” ani Ms Sylvia.

MATABIL – John Fontanilla