This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
HINILING sa Supreme Court ng mga kamag-anak ng ‘missing’ na ministro ng Iglesia ni Cristo (INC), na magpalabas ng writ of amparo and habeas corpus.
Sa siyam pahinang petisyon, hiniling ni Anthony Menorca, kapatid ng ministro ng INC na si Lowell Minorca, na atasan ng Korte Suprema ang mga opisyal ng Iglesia ni Cristo na ilabas ang kanilang kapatid.
Pinangalanan na respondents sa petisyon si INC Executive Minister Eduardo Manalo at mga miyembro ng Sanggunian ng Iglesia na sina Radel Cortez, Bienvenido Santiago at Rolando Esguerra.
Iginiit ni Menorca, ikinukulong ng INC ang kanyang kapatid at pamilya.
Ipinakita raw sa kanila ang kapatid na ministro at bagama’t wala sa selda ang ministro at ang kanyang maybahay, ngunit hindi sila pinahihintulutang lumabas ng compound.
Ayon pa kay Anthony, bukod sa pamilya Menorca ay nakararanas din ng emotional at psychological stress ang iba pang ministro na ikinulong din aniya ng Iglesia ni Cristo.
