TALAGANG ayaw paawat ni Kris Aquino, mapagpatol pa rin siya sa kanyang followers.
Nang mag-post kasi si Kris ng message photo ay inakala ng marami niyang followers na si Mayor Herbert Bautista again ang kanyang tinutukoy.
Sa kanyang message photo sa kanyang Instagram account, ”Happy girls are the prettiest” na ang caption ay, “Welcome back, happiness… I missed you. Good night IG Friends. Stay safe this stormy Sunday,” marami ang nag-akala na ang”welcome back happiness” line niya ay tumutukoy kay Mayor Herbert. Inisip ng marami na si Mayor Herbert ang nagbalik ng saya sa kanyang buhay, na nagkabalikan na sila.
“Naku miss kris wag mong isaksak ang iyong sarili kay bistek he is not worth it. GOD has a beautiful plan for you,” say ng isang follower.
“He’s the only male in the world? Duh. Girl get real,” sagot ni Kris.
Bakit nga ba hindi pa rin yata mawala sa utak ng fans ni Kris na mahal pa rin ng TV host si Mayor Herbert, na hindi pa siya nakaka-move on sa kanilang romantic past?
UNCUT – Alex Brosas
